ევროკავშირი საქართველოსთან ურთიერთობის შესახებ  საკომუნიკაციო მომსახურების გაწევაზე ტენდერს აცხადებს

ევროკავშირის წარმომადგენლობა საქართველოში სატენდერო წინადადებების მიღებას იწყებს. კონკურსში გამარჯვებულს ევროკავშირი-საქართველოს ურთიერთობებისა და საქართველოს ევროპული მისწრაფების შესახებ სამიზნე ჯგუფების ინფორმირება დაევალება.

ინიციატივის მთავარ მიზანს ევროკავშირთან დაკავშირებული მცდარი ინფორმაციისა და დეზინფორმაციის გაქარწყლება წარმოადგენს.

კონტრაქტის ფარგლებში გაწეული მომსახურება მოიცავს შემდეგი ღონისძიებების ორგანიზებას:

• „მე და ევროპა“ დოკუმენტური ფილმების არაკომერციული ჩვენებები თანმდევი დისკუსიებით და საუბრები ევროკავშირისა და საქართველოს შესახებ;
• საზაფხულო სკოლა დეზინფორმაციის მიმართ ახალგაზრდა ლიდერების მედეგობის გასაძლიერებლად;
• ადგილობრივი მედიის მიერ ზემოაღნიშნული ღონისძიებების გაშუქება და ჩართულობა.

სატენდერო წინადადებების შეტანის ბოლო ვადაა 4 სექტემბერი.

დამატებითი ინფორმაცია

პრესრელიზი