ევროკავშირი ფაქტების გადამოწმების ევროპული ქსელის გასაძლიერებლად კონკურსს აცხადებს

ევროკომისიამ „ფაქტჩეკერთა ევროპული ქსელის“ გაძლიერების მხარდასაჭერად კონკურსი გამოაცხადა. 

კონკურსის მიზანია, ხელი შეუწყოს მეტად სანდო და უსაფრთხო ონლაინგარემოს ევროპის მოქალაქეებისთვის.

ინიციატივა ევროპის მასშტაბით ფაქტების გადამოწმებაზე მომუშავეთა შესაძლებლობებს გააძლიერებს, რათა უზრუნველყოს გადამოწმებულ ფაქტებზე ხელმისაწვდომობა ევროკავშირის ყველა წევრ ქვეყანაში და ყველა ოფიციალურ ენაზე.

ინიციატივის ფარგლებში დაგეგმილია ფაქტჩეკერების შევიწროებისგან დასაცავი სქემის შემუშავება, გადამოწმებული ფაქტების ბაზის შექმნა და ფაქტების გადამოწმების რეაგირების მექანიზმის ჩამოყალიბება — მათ შორის საგანგებო სიტუაციებისთვის.

კონკურსი ღია იქნება 2025 წლის 15 აპრილიდან 2 სექტემბრამდე და მისი სრული დაფინანსება 5 მილიონ ევროს შეადგენს. 

კონკურსი ღიაა დაინტერესებული მხარეებისთვის ევროკავშირის წევრი სახელმწიფოებიდან, ასევე, კანდიდატი და გაწევრიანების პროცესში მყოფი ქვეყნებიდან, ციფრული ევროპის პროგრამასთან ასოცირებული ქვეყნებიდან და იმ რეგიონებიდან, რომლებიც დეზინფორმაციისაა და უცხოეთის მხრიდან ჩარევის, მათ შორის პრორუსული დეზინფორმაციული ნარატივების გავრცელების განსაკუთრებული რისკის ქვეშ არიან. შედეგად, კონკურსი ღიაა საქართველოსთვის, მოლდოვისა და უკრაინისთვისაც. 

დამატებითი ინფორმაცია

პრესრელიზი