ევროკავშირი მედიის წარმომადგენლებს „ახალი მედიის ინკუბატორში“ მონაწილეობას სთავაზობს

პრესის საერთაშორისო ინსტიტუტი (IPI) იწყებს „ახალი მედიის ინკუბატორს“, რომელიც ევროპაში ახალბედა მედიაორგანიზაციების მხარდაჭერას ისახავს მიზნად. ინიციატივა მათ მედიამასალის შექმნასა და ორგანიზაციის განვითარებაში დაეხმარება.

კონკურსი ღიაა ევროპაში, მათ შორის საქართველოში, მოქმედი დამოუკიდებელი მედიაორგანიზაციებისთვის. განაცხადის შეტანისას მედიასაშუალებას უნდა ჰქონდეს არსებული ბაზრისა და აუდიტორიის კვლევა, მტკიცე ბიზნესგეგმა და განვითარების სურვილი.

IPI-ის „ახალი მედიის ინკუბატორი“ რვათვიანი პროგრამაა. ის უკვე მეორედ ტარდება და მედიაორგანიზაციებს სთავაზობს დაფინანსებას, პერსონალიზებულ საკონსულტაციო მომსახურებებს, ტრენინგებსა და რჩევებს. პროგრამა მედიასაშუალებებს ბაზრის საჭიროებების იდენტიფიცირებაში, ახალი შესაძლებლობების აღმოჩენაში და მდგრადი და შემოქმედებითი საინფორმაციო პროდუქტების შექმნაში დაეხმარება.

კონკურსში მონაწილეებს 15,000 ევრომდე ოდენობის გრანტის მოთხოვნა შეუძლიათ. „ახალი მედიის ინკუბატორის“ დაფინანსებით შეიძლება დაიფაროს პროექტის ხარჯების ნებისმიერი პროცენტი — მათ შორის ასივეც.

განაცხადების შეტანის ბოლო ვადაა 2025 წლის 6 ივნისი.

დაინტერესებულებს შეუძლიათ დარეგისტრირდნენ საინფორმაციო შეხვედრებზე, რომლებიც 15 აპრილს (ბმული) და 6 მაისს (ბმული) გაიმართება.

დამატებითი ინფორმაცია

პრესრელიზი