Culture Moves Europe: ახალი შესაძლებლობები სარეზიდენციო პროექტებისთვის

ევროკავშირის მიერ დაფინანსებულმა პროგრამამ, Culture Moves Europe („ევროპას კულტურა ამოძრავებს“), გამოაცხადა კონკურსი რეზიდენტთა მასპინძლებისთვის. კონკურსი ღიაა საქართველოსთვის, მოლდოვისთვის, სომხეთისა და უკრაინისთვის. 

კონკურსი ფინანსურ მხარდაჭერას სთავაზობს იურიდიულ პირებს, რომელთაც სურთ, სარეზიდენციო პროექტისთვის უმასპინძლონ ერთიდან ხუთამდე ხელოვანსა და კულტურის სფეროს პროფესიონალს და მოამარაგონ ისინი სწავლის, შემოქმედების, კვლევისა თუ კავშირების დამყარების შესაძლებლობებით. 

კონკურსში მონაწილეობის მისაღებად იურიდიული პირი „შემოქმედებითი ევროპის“ ერთ-ერთ ქვეყანაში უნდა იყოს დარეგისტრირებული და დაფუძნებული. მას უნდა ჰქონდეს შესაძლებლობა, უმასპინძლოს წარდგენილი სარეზიდენციო პროექტების ხელოვანებსა და კულტურის სფეროს პროფესიონალებს, რომლებიც „შემოქმედებითი ევროპის“ სხვა ქვეყნებიდან არიან. ამასთან, ის აქტიურად უნდა საქმიანობდეს ამ სექტორთაგან ერთ-ერთში: არქიტექტურა, კულტურული მემკვიდრეობა, დიზაინი და მოდის დიზაინი, ლიტერატურა, მუსიკა, საშემსრულებლო ხელოვნება და ვიზუალური ხელოვნება. 

სარეზიდენციო გრანტი ითვალისწინებს ფინანსურ მხარდაჭერას მასპინძლისათვის და თითოეული რეზიდენტისათვის. მასპინძელი მიიღებს მასპინძლობის გასამრჯელოს (50 ევრო ყოველდღიურად ყოველ რეზიდენტზე) და ხელმისაწვდომობის მხარდაჭერას (საჭიროების შემთხვევაში). რეზიდენტი მიიღებს ყოველდღიურ გასამრჯელოს (30 ევრო დღეში) და სამოგზაურო გასამრჯელოს (დამოკიდებულია მანძილზე). საჭიროების შემთხვევაში დამატებითი დაფინანსება ხელმისაწვდომია მწვანე მობილობისთვის (400 ევრო), ოჯახისთვის (200 ევრო თითოეულ ბავშვზე) და ვიზისთვის (120 ევრო).

განაცხადების შეტანის ბოლო ვადაა 2026 წლის 16 მარტი. 

დამატებითი ინფორმაცია

პრესრელიზი

კონკურსის დეტალები 

გოეთეს სააპლიკაციო პორტალზე (GAP) განთავსებული განაცხადის ფორმა