CENN: ევროკავშირის მიერ დაფინანსებული ბანაკი გურიაში მცხოვრებ გოგოებსა და ქალებს იწვევს

კავკასიის გარემოსდაცვითი არასამთავრობო ორგანიზაციების ქსელი (CENN) და ახალგაზრდა პედაგოგთა კავშირი ევროკავშირისა და ავსტრიის სააგენტოს, „თანამშრომლობა განვითარებისათვის“, მხარდაჭერით სამოქალაქო განათლების ბანაკს აწყობენ. ბანაკი გურიის რეგიონში მცხოვრები გოგოებისა და ქალებისათვისაა განკუთვნილი.

სამოქალაქო განათლების ბანაკის მიზანია გურიაში მცხოვრები ქალებისა და გოგოების გაძლიერება და მათ მიერ შემუშავებული იმ პროექტების მხარდაჭერა, რომლებიც ადგილობრივი მოსახლეობის კეთილდღეობას წაადგება.

მონაწილეები ჩაერთვებიან თემატურ ლექციებში, განივითარებენ კრიტიკულ და ანალიტიკურ უნარებს და შეიმუშავებენ პროექტებს, რომლებიც მუნიციპალიტეტებში არსებული სოციალური, ეკონომიკური და გარემოსდაცვითი გამოწვევების ამოცნობასა და მათი გადაჭრის გზების პოვნაზე იქნება ორიენტირებული.

ბანაკში მონაწილეობის მიღება გურიაში მცხოვრებ 14+ წლის გოგოებსა და ქალებს შეუძლიათ.

ბანაკი 2025 წლის 1-4 მაისს ბულაჩაურის მწვანე ცენტრში მოეწყობა. 

განაცხადების მიღების ბოლო ვადაა 2025 წლის 4 აპრილი.

დამატებითი ინფორმაცია

პრესრელიზი