უცხოეთიდან კვალიფიცირებულ სამუშაოს მაძიებელთა მოსაზიდად ევროკავშირის ტალანტების ბაზა შეიქმნება
19 ნოემბერს ევროკომისიამ ევროკავშირის ტალანტების ბაზაზე (EU Talent Pool) ევროპარლამენტისა და საბჭოს მიერ მიღწეული შეთანხმება მოიწონა.
ამოქმედების მერე ევროპარლამენტის ტალანტების ბაზა გახდება პირველი ევროკავშირის მასშტაბის პლატფორმა, რომელიც ევროკავშირის გარეთ მცხოვრებ სამუშაოს მაძიებელთა მოზიდვას შეუწყობს ხელს. წევრი სახელმწიფოებისთვის ინიციატივაში ჩართვა ნებაყოფლობითია.
ახალი პლატფორმა ევროკავშირში დამსაქმებლებს არაწევრი ქვეყნებიდან სამუშაოს მაძიებელთა პოვნასა და იმ სფეროებში დასაქმებას გაუმარტივებს, რომლებშიც ევროკავშირის შიგნით დასაქმებულთა დეფიციტი აღინიშნება. მესამე ქვეყანაში მცხოვრებ სამუშაოს მაძიებლებს შეეძლებათ, პლატფორმაზე თავიანთი პროფილები დაარეგისტრირონ, სადაც თავიანთ უნარებს, კვალიფიკაციას, სამუშაო გამოცდილებასა და ენების ცოდნას წარმოაჩენენ.
პლატფორმაზე ასევე ხელმისაწვდომი იქნება ინიციატივაში ჩართული წევრი სახელმწიფოების დამსაქმებელთა ვაკანსიები, რაც შრომის მაძიებლებს თავიანთი უნარების შესაბამისი სამუშაოს პოვნაში დაეხმარება.
ამ ეტაპზე რეგულაცია ევროპარლამენტმა და საბჭომ ოფიციალურად უნდა მიიღოს.
როგორც კი რეგულაცია ძალაში შევა, ევროკომისია პლატფორმას შექმნის, რათა ის რაც შეიძლება მალე ამუშავდეს.
დამატებითი ინფორმაცია
ყველაზე წაკითხული
თემაზე
ახალგაზრდა ევროპელი ელჩები ურთიერთობების, შთაგონების და ცვლილების ათწლეულს აღნიშნავენ
ევროკავშირის ინიციატივა, „საქართველო მწვანე მომავლისკენ“, 14 ივნისს თბილისში „შეკეთებისა და ხელახლა გამოყენების დღეს“ მართავს
ევროკომისია ევროკავშირის ინოვაციების პლატფორმას აამოქმედებს
EBRD-მა „ავერსი ფარმას“ 10 მილიონი ევროს ოდენობის სესხი გამოუყო
ევროკავშირისა და გაეროს მხარდაჭერით საქართველო ჰაერის ხარისხის მონიტორინგის ქსელს აფართოებს
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
