ოზი დაბრუნდა: არ გადადო ზრუნვა #ForOurPlanet!

საქვეყნოდ ცნობილი ზაზუნა ოზი ახალი რჩევებით ბრუნდება, რომ გვასწავლოს, უკეთ როგორ ვიზრუნოთ ჩვენს პლანეტაზე (#ForOurPlanet).

ოზი ენერგოეფექტიანობის ელჩია ევროკავშირიდან. ამასთან, ის EU4Energy-ის ორი კომიქსის გმირიცაა და თავისი თავგადასავლებით გვანახებს, როგორ დავზოგოთ ენერგია და დავეხმაროთ პლანეტას. ის თავის რჩევებს აღმოსავლეთ პარტნიორობის ქვეყნებში მცხოვრებ ბავშვებსა და მოზარდებს ონლაინ და სკოლებში ვიზიტების დროს უზიარებს.

ამჯერად ოზის სურს, რაღაც ძალიან მნიშვნელოვანი შეატყობინოს ბავშვებს – ესაა ხუთი მარტივი რჩევა, იმის შესახებ, თუ როგორ შეიძლება, ჩვენი ყოველდღიური ჩვევებით დავზოგოთ ენერგია და ძველ ნივთებს ახალი სიცოცხლე მივცეთ.

გასულ შაბათს, ზაზუნას საერთაშორისო დღეს (იცოდით, რომ ეს დღე 12 აპრილს აღინიშნებოდა?) ოზიმ Instagram-ზე ახალი კამპანია დაიწყო. მისი ვიდეოდან ხუთ რჩევას მიიღებთ:

• გაცვალე ნივთები
• დაკეტე ონკანი
• ჩააქრე შუქი
• იარე ველოსიპედით
• გამოიყენე უკეთესი ნათურები

ოზის ყველა რჩევა და პრაქტიკული მასალა, რომელიც ბავშვებს ენერგიის დაზოგვას ასწავლის, ჩვენს ახალ სპეციალურ ვებგვერდზეა თავმოყრილი: https://euneighbourseast.eu/ka/ozzyforourplanet-ka/.

სულ მალე ოზი ახალგაზრდა ევროპელ ელჩებთან (YEAs) ერთად აღმოსავლეთ პარტნიორობის ქვეყნებში სკოლებს მოინახულებს და ინტერაქტიურ აქტივობებს მოაწყობს. ის, ასევე, EU4Energy-ის გუნდთან და ახალგაზრდა ევროპელ ელჩებთან ერთად მთელ რეგიონში გამართულ ევროპის დღის საზეიმო ღონისძიებებსაც დაესწრება. 

მომდევნო რამდენიმე კვირის განმავლობაში ოზი Facebook-ის, Instagram-ისა და YouTube-ის გვერდებზე ბავშვებთან, მშობლებთან და მასწავლებლებთან ისაუბრებს.არ გამოგეპაროთ ოზის ახალი რჩევები!  #OzzyForOurPlanet #EU4Energy #StrongerTogether