<strong>ევროკავშირმა რუს ოლიგარქებს და კომპანიებს მთლიანობაში 13.8 მილიარდი ევროს ოდენობის აქტივები გაუყინა </strong>
ივლისი 13, 2022

ევროკავშირმა რუს ოლიგარქებს და კომპანიებს მთლიანობაში 13.8 მილიარდი ევროს ოდენობის აქტივები გაუყინა 


ევროკავშირმა სანქციების ფარგლებში რუს ოლიგარქებსა და კომპანიებს 13.8 მილიარდი ევროს ოდენობის აქტივები გაუყინა. ამის შესახებ იუსტიციის საკითხებში ევროკომისარმა, დიდიე რეინდერსმა 12 ივლისს, პრაღაში ევროკავშირის იუსტიციის მინისტრების შეხვედრის ჩატარებამდე განაცხადა.

„ეს ერთობ მოზრდილი თანხაა. მაგრამ მისი უდიდესი ნაწილი, 12 მილიარდ ევროზე მეტი, ხუთმა წევრმა სახელმწიფომ გაყინა. ასე რომ, ჩვენ უნდა გავაგრძელოთ სხვა ქვეყნების დარწმუნება, რომ მათაც იგივე გააკეთონ“, — დასძინა ევროკომისარმა.

მან ასევე აღნიშნა, რომ ზაფხულის დამთავრების შემდეგ ახალი სამართლებრივი ინსტრუმენტის თაობაზე საბოლოო პოლიტიკური შეთანხმების მიღწევას მოელის. ამ შეთანხმების თანახმად, სანქციების დარღვევა ან გვერდის ავლა მთელ ევროკავშირში სისხლის სამართლის დანაშაულად განიხილება.

აქტივები ევროკომისიის მიერ მარტში ჩამოყალიბებული სპეციალური ჯგუფის, „Freeze and Seize“, საქმიანობის ფარგლებში გაიყინა. 

დამატებითი ინფორმაცია

პრესრელიზი

უკრაინა: ევროკომისია შემზღუდველი ზომების დამრღვევი ოლიგარქების და სხვა კრიმინალების აქტივების გაყინვის და კონფისკაციის თაობაზე წესებს წარადგენს



გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის GOPA PACE კონსორციუმი.


ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,