ევროკავშირი რუსეთის სახელმწიფო მედიასაშუალებების, Sputnik-ის და Russia Today-ს საწინააღმდეგო სანქციებს აწესებს
მარტი 3, 2022

ევროკავშირი რუსეთის სახელმწიფო მედიასაშუალებების, Sputnik-ის და Russia Today-ს საწინააღმდეგო სანქციებს აწესებს


ევროპის კავშირის საბჭოს 2 მარტის გადაწყვეტილებით, ევროკავშირმა სასწრაფოდ შეაჩერა თავის ტერიტორიაზე Sputnik-ისა და RT/Russia Today-ის (RT English, RT UK, RT Germany, RT France და RT Spanish) სამაუწყებლო საქმიანობა. 

ეს შეზღუდვა ძალაში იქნება მანამ, სანამ არ შეწყდება აგრესია უკრაინის წინააღმდეგ და სანამ რუსეთის ფედერაცია და მასთან ასოცირებული მედიასაშუალებები არ შეწყვეტენ ევროკავშირის და მისი წევრი ქვეყნებისადმი მიმართულ დეზინფორმაციას და ინფორმაციით მანიპულირებას. 

ევროკავშირის საბჭოს მიერ გამოქვეყნებულ პრესრელიზში ვკითხულობთ, რომ Sputnik და Russia Today რუსეთის ფედერაციის ხელისუფლების უწყვეტი პირდაპირი თუ ირიბი კონტროლის ქვეშ ფუნქციონირებენ. ამჟამად კი ისინი თამაშობენ მნიშვნელოვან როლს უკრაინის წინააღმდეგ წარმოებული აგრესიის გამართლებასა და მხარდაჭერაში. 

„რუსეთის ფედერაცია აწარმოებს დეზინფორმაციის სისტემატურ, საერთაშორისო კამპანიას, მანიპულირებს ინფორმაციით და ამახინჯებს ფაქტებს. ამ გზით ის ცდილობს, გააძლიეროს თავისი მეზობელი ქვეყნების, ევროკავშირის და მისი წევრი სახელმწიფოების დესტაბილიზაციის მიზნით შემუშავებული სტრატეგია“, — ნათქვამია პრესრელიზში, — „კერძოდ, დეზინფორმაცია და საინფორმაციო მანიპულაციები განმეორებით და თანმიმდევრულად იყო მიმართული ევროპული პოლიტიკური პარტიების (განსაკუთრებით, არჩევნების პერიოდში), სამოქალაქო საზოგადოებისა და რუსეთის გენდერული და ეთნიკური უმცირესობების, პოლიტემიგრანტების და ევროკავშირისა და მისი წევრი სახელმწიფოების დემოკრატიული ინსტიტუტების ფუნქციონირების წინააღმდეგ“.

დამატებითი ინფორმაცია

პრესრელიზი


თემაზე

საქართველოში ევროკავშირის სადამკვირვებლო მისიის ახალი ხელმძღვანელი დაინიშნა
თებერვალი 2, 2023

საქართველოში ევროკავშირის სადამკვირვებლო მისიის ახალი ხელმძღვანელი დაინიშნა

ევროკავშირის და UNDP-ის კვლევა: საქართველოში ლგბტქი+ პირების  პერსონალურ მონაცემებს ხშირად ემუქრება გასაჯაროება
თებერვალი 2, 2023

ევროკავშირის და UNDP-ის კვლევა: საქართველოში ლგბტქი+ პირების  პერსონალურ მონაცემებს ხშირად ემუქრება გასაჯაროება

თბილისში მშვიდობის ჟურნალისტიკაში 2021 წლის სპეციალური პრიზის მფლობელის დოკუმენტური ფილმის პრემიერა გაიმართა
იანვარი 31, 2023

თბილისში მშვიდობის ჟურნალისტიკაში 2021 წლის სპეციალური პრიზის მფლობელის დოკუმენტური ფილმის პრემიერა გაიმართა

EIB Global-სა და კრედო ბანკს შორის მცირე ბიზნესის მხარდასაჭერად 10 მილიონი ევროს მოცულობის სასესხო ხელშეკრულება გაფორმდა
იანვარი 31, 2023

EIB Global-სა და კრედო ბანკს შორის მცირე ბიზნესის მხარდასაჭერად 10 მილიონი ევროს მოცულობის სასესხო ხელშეკრულება გაფორმდა

ჯანმოს და ევროკავშირის ახალი პლატფორმა: გაეცანით COVID-19-ის საწინააღმდეგო ვაქცინებზე ინფორმაციას ქართულ ენაზე
იანვარი 30, 2023

ჯანმოს და ევროკავშირის ახალი პლატფორმა: გაეცანით COVID-19-ის საწინააღმდეგო ვაქცინებზე ინფორმაციას ქართულ ენაზე


გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის B&S ევროპის კონსორციუმი.


ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,