„ევროკავშირი კეთილსინდისიერებისთვის“ სამოქალაქო საზოგადოების ჩართულობისა და ინოვაციის მხარდასაჭერად გრანტებს გასცემს

ღია მმართველობის პარტნიორობამ (OGP) ახალი პროგრამის, „ევროკავშირი კეთილსინდისიერებისთვის“ (EU for Integrity), ფარგლებში პირველი კონკურსები გამოაცხადა. ევროკავშირის მიერ 7 მილიონი ევროთი დაფინანსებულ ინიციატივას ღია მმართველობის პარტნიორობა და  ეკონომიკური განვითარების და თანამშრომლობის ორგანიზაცია (OECD) ერთობლივად ახორციელებენ.

კონკურსები ორ კატეგორიაშია გამოცხადებული.

სამოქალაქო საზოგადოების ჩართულობის გრანტები (30,000 ევრომდე დაფინანსებით) ფოკუსირდება ღია მმართველობის პარტნიორობის პლატფორმის სამოქალაქო საზოგადოების ჩართულობის გაფართოებისა და სექტორთაშორისი პარტნიორობის განვითარების მიზნით გამოყენებაზე. ყურადღება მიექცევა შემდეგ სფეროებს: კორუფციის წინააღმდეგ ბრძოლა, საჯარო სერვისების მიწოდება, სამართალი, COVID-19-ზე რეაგირება და მისით გამოწვეული კრიზისისგან აღდგენა და სამოქალაქო სივრცე.

ამ კატეგორიის გრანტებზე განაცხადის შეტანა შეუძლიათ სამოქალაქო საზოგადოების რეგისტრირებულ ორგანიზაციებს და კონსორციუმებს — მათ შორის, ქვეყნებს შორის პარტნიორობებს — სომხეთიდან, საქართველოდან, მოლდოვიდან და უკრაინიდან.

ინოვაციის გრანტები (50,000 ევრომდე დაფინანსებით) საშუალებას მისცემს მოქალაქეებს, აწარმოონ ბიუჯეტების და განაწილების მონიტორინგი;  ხელს შეუწყობს სახელმწიფოს მონაცემებისთვის ადვილად გამოსაყენებელი ინტერფეისების შექმნას — მათ შორის, მონაცემთა ვიზუალიზაციის და ანალიზის იმ ინსტრუმენტების შემუშავებას, რომლებიც თაღლითობის და კორუფციის აღმოჩენას გაამარტივებს; დაეხმარება მოქალაქეებს, აწარმოონ საჯარო სერვისების მონიტორინგი და ჰქონდეთ უკუკავშირი და გამოსწორების მექანიზმებზე წვდომა.

ამ კატეგორიის გრანტებზე განაცხადების შეტანა შეუძლიათ ღია მმართველობის პარტნიორობის წევრ ქვეყნებში მომუშავეებს და ადგილობრივ იურისდიქციებს აღმოსავლეთ პარტნიორობის რეგიონიდან.

ორივე კონკურსისთვის განაცხადების მიღების ბოლოო ვადაა 9 ივლისი.

დამატებითი ინფორმაცია

პრესრელიზი

გამოიწერეთ ყოველკვარტალური საინფორმაციო ბიულეტენი აღმოსავლეთ პარტნიორობის რეგიონში ღია მმართველობის პარტნიორობის საქმიანობის შესახებ.