ევროკავშირი და EBRD აღმოსავლეთ პარტნიორობის ქვეყნებში ბიზნესისა და ფართოზოლოვანი ინფრასტრუქტურის განვითარებას უწყობენ ხელს
ევროპის რეკონსტრუქციისა და განვითარების ბანკი (EBRD) და ევროკავშირი აღმოსავლეთ ევროპაში, კავკასიაში და ხმელთაშუა ზღვის სამხრეთ და აღმოსავლეთ რეგიონებში სათანადო პირობების არმქონე მიკრო, მცირე და საშუალო საწარმოების მხარდაჭერას აძლიერებენ. სამიზნე ქვეყნებს შორის არიან აზერბაიჯანი, მოლდოვა, საქართველო, სომხეთი და უკრაინა.
გარდა ამისა, EBRD და ევროკავშირი ამ რეგიონებში ფართოზოლოვანი ინფრასტრუქტურის და სერვისების განვითარების მიზნითაც ზრდიან დაფინანსებას.
ჯამში 150 მილიონი ევროს მოცულობის ორი ფინანსური გარანტიის თაობაზე ხელშეკრულებებს ხელი ვაშინგტონში, მსოფლიო ბანკის/საერთაშორისო სავალუტო ფონდის ყოველწლიური შეხვედრის პარალელურად მოეწერა.
115 მილიონ ევრომდე ოდენობის პირველი ფინანსური გარანტია პარტნიორ ფინანსურ ინსტიტუტებს სათანადო პირობების არმქონე მიკრო, მცირე და საშუალო საწარმოების შემდგომ დაკრედიტებაში დაეხმარება. კერძოდ, ამ საწარმოებში მოიაზრება ქალების და ახალგაზრდების მიერ მართული თუ სასოფლო რეგიონებში მდებარე კომპანიები და საწარმოები, რომლებსაც აქამდე ფინანსებზე წვდომასთან დაკავშირებული პრობლემები ჰქონდათ.
35 მილიონ ევრომდე ღირებულების მეორე ფინანსური გარანტია ინვესტიციებს, მათ შორის მაღალი ხარისხის და სანდო ფართოზოლოვანი სერვისების განვითარებას მოხმარდება.
„მე განსაკუთრებით მახარებს, რომ დღევანდელი ფინანსური შესაძლებლობები სათანადო პირობების არმქონე ბიზნესებსა და მაღალი ხარისხის ფართოზოლოვანი სერვისების განვითარებას მოხმარდება. ეს ხელს შეუწყობს ეკონომიკური და საინვესტიციო გეგმების ამოცანების მიღწევას ევროკავშირის აღმოსავლეთ და სამხრეთ სამეზობლოში, სადაც ევროკავშირის Global Gateway სტრატეგია ხორციელდება“, — განაცხადა ევროკომისიის სამეზობლო პოლიტიკისა და გაფართოების საკითხებში გენერალური დირექტორატის ხელმძღვანელის მოადგილემ, კატერინა მატერნოვამ.
დამატებითი ინფორმაცია
ყველაზე წაკითხული
თემაზე
ირლანდია ევროკავშირის საბჭოს თავმჯდომარეობის მიღებისას უკრაინასა და სხვა კანდიდატ ქვეყნებს მხარდაჭერას აღუთქვამს
ევროკავშირისა და UNDP-ის ხელშეწყობით, საქართველოს მცირე და საშუალო ბიზნესი საერთაშორისო ბაზრებს ითვისებს
მამის დღე საქართველოში: UNFPA და ევროკავშირი ახალბედა მამებისთვის წიგნს წარმოადგენენ
ახალგაზრდა ევროპელი ელჩები ურთიერთობების, შთაგონების და ცვლილების ათწლეულს აღნიშნავენ
ევროკავშირის ინიციატივა, „საქართველო მწვანე მომავლისკენ“, 14 ივნისს თბილისში „შეკეთებისა და ხელახლა გამოყენების დღეს“ მართავს
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
