EBRD: გეოპოლიტიკური არეულობის პერიოდში საქართველოში ეკონომიკური სიძლიერე აღინიშნება
სექტემბერი 28, 2022

EBRD: გეოპოლიტიკური არეულობის პერიოდში საქართველოში ეკონომიკური სიძლიერე აღინიშნება


ევროპის რეკონსტრუქციისა და განვითარების ბანკის (EBRD) რეგიონული ეკონომიკური პერსპექტივების (REP) 28 სექტემბერს გამოქვეყნებული ანგარიშის თანახმად, საქართველოში ბოლო წლების განმავლობაში ეკონომიკური ზრდის ყველაზე მაღალი ტემპი აღინიშნა. EBRD იმავე შეფასებას აკეთებს აზერბაიჯანისა და სომხეთის შესახებაც. 

ანგარიშის თანახმად, საქართველო და სომხეთი სარგებელს იღებენ რუსეთიდან ბიზნესის და საინფორმაციო და საკომუნიკაციო ტექნოლოგიების (ICT) პროფესიონალთა შემოდინებიდან. კერძოდ, ეს გარემოება პატარა ეკონომიკის მქონე ამ ქვეყნებში მომსახურების სექტორების სტიმულირებას იწვევს. რაც შეეხება აზერბაიჯანს, ის შემოსავალს არა მხოლოდ ნავთობსა და გაზზე მომატებული ფასების, არამედ, ამასთან, არა-ენერგეტიკული სექტორის ძლიერი მუშაობის შედეგადაც იღებს. 

მაგრამ რეგიონში 2022 წელს აღნიშნული მყარი ზრდა 2023 წელს შემცირდება, რაც ეჭვქვეშ აყენებს ეკონომიკური ზრდის მდგრადობას საშუალოვადიან პერიოდში. ანგარიშში მოცემულია გაფრთხილება, რომ მიმდინარე ზრდა კავკასიაში ძირითადად გამოწვეულია დროებითი ფაქტორებით და ეს ზრდა ადვილად შეიძლება, საპირისპიროდ შეიცვალოს.

კონკრეტულად საქართველოში რისკების მიზეზი გაურკვევლობა და გარე რყევების მაღალი ალბათობაა. პროგნოზის მიხედვით, 2022 წელს საქართველოს ეკონომიკა 8 პროცენტით გაიზრდება, მომავალი წლისთვის კი ზრდა 5 პროცენტამდე შემცირდება. 

2022 წლის პირველ ნახევარში კავკასიაში  ენერგიასა და პროდუქტებზე ფასების ზრდის ახალი ტალღის გამო ინფლაციის ზრდის ტემპმა იმატა. სამივე ქვეყნის ცენტრალურმა ბანკებმა აღნიშნულს თავიანთი საპროცენტო განაკვეთების მომატებით უპასუხეს.

ინფლაცია ამჟამად საშუალოდ 10 პროცენტამდეა დაცემული. ეს მაინც მაღალი მაჩვენებელია, თუმცა მნიშვნელოვნად ნაკლებია იმ საშუალო 16.5 პროცენტზე, რომელიც EBRD-ის ოპერირების რეგიონების მთლიანი მასშტაბით აღინიშნება.

დამატებითი ინფორმაცია

პრესრელიზი



გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის GOPA PACE კონსორციუმი.


ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,