Do IT with the EU: საქართველო ევროკავშირის მხარდაჭერით IT ეკოსისტემის განვითარების პროექტს იწყებს

ინიციატივა, Do IT with the EU, საქართველოს 1,300 მოქალაქეზე მეტს გლობალურ ბაზარზე მოთხოვნად და მაღალანაზღაურებად ისეთ პროფესიებში გადაამზადებს, როგორებიცაა პროგრამირება, პროექტების მართვა და დიზაინი. 

ინიციატივა წარმოადგენს IT ეკოსისტემის განვითარების გეგმას, რომელსაც საქართველოს ინოვაციებისა და ტექნოლოგიების სააგენტო (GITA) და ევროკავშირი სექტემბერში დაიწყებენ. 

პროგრამის მიზანი საქართველოში IT სექტორის გარდაქმნაა. ამის მიღწევის გზად კი დასახულია მსოფლიო დონის სტანდარტების დამკვიდრება, უნარების განვითარება და ქვეყნის მოქალაქეებისთვის დასაქმების შესაძლებლობების შექმნა. ამასთან, განსაკუთრებული ყურადღება ტექინდუსტრიაში ქალთა გაძლიერების საკითხს დაეთმობა. 

„IT ეკოსისტემის განვითარების პროექტი საქართველოს IT სექტორის მომავლისკენ გაკეთებულ ტრანსფორმაციულ ნახტომს წარმოადგენს. პროგრამა ახალი სამუშაო ადგილების შექმნას შეუწყობს ხელს, რაც ინოვატორებისა და მეწარმეებისთვის საერთაშორისო IT კომპანიებთან მუშაობის შესაძლებლობათა მიცემით მიიღწევა. ეს კი, საბოლოოდ, რეგიონში საქართველოს კონკურენტუნარიანობას გააძლიერებს“, — განაცხადა ევროკავშირის  თანამშრომლობის განყოფილების ხელმძღვანელმა, ნიკოლას სენდროვიჩმა. 

დამატებითი ინფორმაცია

პრესრელიზი