ბრიუსელში აღმოსავლეთ პარტნიორობის სამოქალაქო საზოგადოების ფორუმის მეთხუთმეტე წლიური შეხვედრა გაიმართა
14-16 ნოემბერს ბრიუსელში აღმოსავლეთ პარტნიორობის სამოქალაქო საზოგადოების ფორუმის მეთხუთმეტე წლიური შეხვედრა გაიმართა. ფორუმს აღმოსავლეთ პარტნიორობისა და ევროკავშირის ქვეყნების სამოქალაქო საზოგადოების ორგანიზაციების 250-ზე მეტი წარმომადგენელი და ევროკავშირის და სახელმწიფოთა ლიდერები დაესწრნენ. მათ აღმოსავლეთ პარტნიორობასთან მრავალმხრივი თანამშრომლობის მომავალი და ამ თანამშრომლობაში სამოქალაქო საზოგადოების როლი განიხილეს.
ღონისძიების მონაწილეებმა უკრაინაში რუსეთის ომის დაწყების მერე აღმოსავლეთ პარტნიორობის ქვეყნებსა და რეგიონში მომხდარი პოლიტიკური ცვლილებები შეაფასეს. კერძოდ, ისინი კონცენტრირდნენ აღმოსავლეთ პარტნიორობის პოლიტიკასა და გაფართოების პროგრამას შორის სინერგიის შესაძლებლობებზე და დასავლეთ ბალკანეთის და ცენტრალური აზიის ქვეყნებთან თანამშრომლობის გაძლიერებაზე.
შეხვედრაზე ასევე განიხილეს, ერთი მხრივ, ევროკავშირსა და ევროკავშირის წევრ სახელმწიფოებსა და, მეორე მხრივ, აღმოსავლეთ პარტნიორობის ქვეყნების მთავრობებსა და საზოგადოებას შორის თანამშრომლობა. განსაკუთრებული ყურადღება მიექცა კარგი მმართველობისა და კანონის უზენაესობის სფეროებს.
ფორუმის მონაწილეებმა იმსჯელეს იმაზეც, თუ როგორ შეიძლება სამოქალაქო საზოგადოებისთვის მეგობრული გარემოს შექმნა და კიბერშეტევებისა და ჰიბრიდული საფრთხეებისადმი მედეგობის გამომუშავება.
დამატებითი ინფორმაცია
ყველაზე წაკითხული
თემაზე
ევროკავშირი, გაერო და ავსტრია საქართველოში ჰაერის ხარისხის გასაუმჯობესებლად ახალ პროექტს იწყებენ
ევროკავშირი უცხოური გავლენის შესახებ კანონს „ევროკავშირის ნორმებთან და ღირებულებებთან შეუთავსებელს“ უწოდებს
არა, დრო რუსეთის მხარეს არაა: ბორელი ომისა და ევროკავშირის სანქციების შედეგად რუსეთის ეკონომიკის დასუსტებას აღწერს
ევროკავშირის პოლიტიკის და უსაფრთხოების კომიტეტის წევრები საქართველოს სამუშაო ვიზიტით ეწვივნენ
ევროკავშირი და გერმანია აჭარაში წყალმომარაგებისა და წყალარინების სისტემების განახლებას უჭერენ მხარს
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
