უკრაინა: ევროკავშირმა რუსული ბანკების SWIFT-ის სისტემიდან გათიშვის გადაწყვეტილება მიიღო

უკრაინა: ევროკავშირმა რუსული ბანკების SWIFT-ის სისტემიდან გათიშვის გადაწყვეტილება მიიღო

მარტი 3, 2022

2 მარტს ევროკავშირმა რუსული ბანკების SWIFT-ის სისტემიდან გათიშვაზე გადაწყვეტილება მიიღო. SWIFT საერთაშორისო ფინანსური ტრანზაქციების მსოფლიოში უდიდესი საკომუნიკაციო სისტემაა.

ამ შეზღუდვის შედეგად რუსული ბანკები საერთაშორისო ტრანზაქციებს სწრაფი და ეფექტიანი გზით ვეღარ განახორციელებენ. აღნიშნული გადაწყვეტილება მჭიდროდ იყო კოორდინირებული ევროკავშირის ისეთ საერთაშორისო პარტნიორებთან, როგორებიც აშშ და გაერთიანებული სამეფო არიან.

„ევროკავშირმა სინათლის სისწრაფით დაამტკიცა მძიმე სანქციების სამი ტალღა რუსეთის ფინანსური სისტემის, მისი მაღალტექნოლოგიური ინდუსტრიის და მისი კორუმპირებული ელიტის წინააღმდეგ. ეს არის სანქციების უდიდესი პაკეტი, რომელიც ევროკავშირის ისტორიაში ოდესმე მიღებულა. რუსული ბანკების SWIFT-ის ქსელიდან გამორთვის შესახებ დღევანდელი გადაწყვეტილება კიდევ ერთი მკაფიო სიგნალია პუტინისა და კრემლისთვის“, — განაცხადა ევროკომისიის პრეზიდენტმა, ურსულა ფონ დერ ლაიენმა.

სისტემიდან გამორთული ბანკების სია ევროკავშირის ოფიციალურ ჟურნალში გამოქვეყნდა. ეს ბანკებია:

  • Bank Otkritie
  • Novikombank
  • Promsvyazbank
  • Bank Rossiya
  • Sovcombank
  • VNESHECONOMBANK (VEB)
  • VTB BANK

აკრძალვა 10 დღის განმავლობაში შევა ძალაში. ამ გარდამავალ პერიოდში SWIFT და სხვა ოპერატორები ცვლილებებზე მორგებას შეძლებენ, რაც შეამცირებს სანქციის ყველა შესაძლო უარყოფით გავლენას ევროკავშირის ბიზნესსა და ფინანსურ ბაზრებზე. საჭიროების შემთხვევაში ევროკომისია მზად არის, სიას დაუყოვნებლივ დაამატოს რუსეთის სხვა ბანკები.

დამატებითი ინფორმაცია

პრესრელიზი



თემაზე


გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის B&S ევროპის კონსორციუმი.

ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით.
© European Union,