გამოცხადდა სამი სრულგანაკვეთიანი ვაკანსია ბელგრადში მდებარე სატრანსპორტო თანამეგობრობის სამდივნოში

მობილობისა და ტრანსპორტის სფეროში მოქმედი საერთაშორისო ორგანიზაცია, სატრანსპორტო თანამეგობრობა სამ სრულგანაკვეთიან ვაკანსიას აცხადებს. განაცხადების შეტანა საქართველოს, მოლდოვისა და უკრაინის მოქალაქეებს შეუძლიათ.

სატრანსპორტო თანამეგობრობა 36 წევრისგან შედგება. ეს წევრები არიან ევროკავშირის წევრი სახელმწიფოები, რომელთაც ევროკომისია წარმოადგენს, დასავლეთ ბალკანეთის ექვსი რეგიონული პარტნიორი და დამკვირვებლის სტატუსის მქონე სამი წევრი — საქართველო, მოლდოვის რესპუბლიკა და უკრაინა, რომელთაც მუდმივი დამკვირვებლის სტატუსი 2022 წელს მიენიჭათ.

ამჟამად სატრანსპორტო თანამეგობრობის სამდივნო აცხადებს შემდეგ ვაკანსიებს: წყლის ტრანსპორტის (საზღვაო, შიდა წყლის გზები) და ეკო-მობილობის სპეციალისტი (შეიტანეთ განაცხადი აქ),  სარკინიგზო და მულტიმოდალური სფეროს სპეციალისტი (შეიტანეთ განაცხადი აქ) და გზებისა და გზის უსაფრთხოების სპეციალისტი (შეიტანეთ განაცხადი აქ).  

კონკურსში მონაწილეობისთვის უნდა იყოთ დამკვირვებლის სტატუსის მქონე ერთ-ერთი ქვეყნის (საქართველოს, მოლდოვის რესპუბლიკის ან უკრაინის) მოქალაქე და სარგებლობდეთ მოქალაქის ყოველგვარი უფლებით.

გარდა ამისა, კანდიდატს უნდა ჰქონდეს სულ მცირე ოთხწლიანი საუნივერსიტეტო განათლება დამოწმებული დიპლომით და სატრანსპორტო სექტორში დიპლომისშემდგომი საქმიანობის მინიმუმ რვაწლიანი  გამოცდილება.

განაცხადების შეტანის ბოლო ვადაა 23 თებერვალი.

სატრანსპორტო თანამეგობრობის სამუშაო ენაა ინგლისური. სატრანსპორტო თანამეგობრობის სამდივნო მდებარეობს სერბეთის დედაქალაქ ბელგრადში.

დამატებითი ინფორმაცია

წყლის ტრანსპორტის და ეკო-მობილობის სპეციალისტის ვაკანსია 

სარკინიგზო და მულტიმოდალური სფეროს სპეციალისტის ვაკანსია

გზებისა და გზის უსაფრთხოების სპეციალისტის ვაკანსია