დაიწყო რეგისტრაცია ჰაკათონზე, „სოციალური სერვისები ახალგაზრდებისთვის“

ევროკავშირის წარმომადგენლობა საქართველოში მონაცემთა ვიზუალიზაციით დაინტერესებულ დიზაინერებს, პროგრამისტებსა და მონაცემთა ენთუზიასტებს 29-30 ივნისს ახალგაზრდებისთვის განკუთვნილ სოციალური სერვისების ჰაკათონზე იწვევს. 

ღონისძიების ორგანიზატორია პლატფორმა AskGov.ge.  

AskGov.ge-ის მიხედვით, საქართველოში არსებულ სოციალურ სერვისებზე საზოგადოების ცნობიერება რადიკალურად დაბალია. არაბენეფიციარი მოსახლეობის დაახლოებით 30%-ს არასოდეს სმენია არცერთი სოციალური სერვისის შესახებ, ხოლო 57.7%-მა მხოლოდ ორი სოციალური პროგრამის შესახებ იცის. ინფორმაციის ნაკლებობის გამო, ახალგაზრდები ვერ იღებენ მხარდაჭერის ისეთ საბაზისო სერვისებს, როგორიცაა განათლებაზე წვდომა, ჯანდაცვა, სპორტი და ცხოვრების ჯანსაღი წესი, ტრანსპორტირება, სოციალური ინტეგრაცია და სხვა სიკეთეები, რომლებიც მათთვის ადამიანის ფუნდამენტური უფლებებითა და ქვეყნის სოციალური პოლიტიკითაა გარანტირებული. 

შესაბამისად, ჰაკათონის მიზანია, ამ პრობლემის დაძლევა და ახალგაზრდებში სოციალური სერვისების შესახებ ცნობიერების ამაღლება.

ჰაკათონის ფარგლებში ორგანიზატორები მონაწილეებს მიაწვდიან სოციალური სერვისების ირგვლივ AskGov.ge-ის მეშვეობით მოპოვებულ მონაცემებს, თქვენი ამოცანა კი ამ მონაცემთა ვიზუალიზაცია იქნება. მომავალი თვეების განმავლობაში შექმნილ ვიზუალიზაციებს ფართო საზოგადოება და ახალგაზრდების სოციალური სერვისების პოტენციური ბენეფიციარები გაეცნობიან. 

გამარჯვებული ვიზუალიზაციის ავტორებისთვის საპრიზო ფონდი 11,000 ლარს შეადგენს.

ჰაკათონზე დასასწრებად გაიარეთ რეგისტრაცია 5 ივნისამდე: https://forms.gle/CE2jwdzCa3gxYrwq8

დამატებითი ინფორმაცია

პრესრელიზი