EU4Youth პროგრამამ ქართველი ახალგაზრდებისათვის შრომით უფლებებზე ჩატბოტის თამაში შექმნა
პროგრამამ, „EU4YOUTH: ახალგაზრდების დასაქმება და მეწარმეობა“, ტელეგრამის პლატფორმაზე ჩატბოტის თამაში, @fairemployment, შექმნა. მისი მიზანი ახალგაზრდებისა და დამსაქმებლებისათვის სამართლიანი დასაქმების პრაქტიკისა და სტანდარტები შესახებ ინფორმაციის გაცნობაა.
@fairemployment-ის მოთამაშეებს შეუძლიათ, აირჩიონ დამსაქმებლის ან დასაქმებულის როლი და სამუშაო სივრცეში დადგმულ სცენარებში მონაწილეობით გამოცადონ, თუ რამდენად კარგად იცნობენ სამართლიანი შრომის პრაქტიკას.
თამაშში წარმოდგენილია გასაუბრების წინა, უშუალოდ გასაუბრებისა და ხელშეკრულების გაფორმების ეტაპები. ჩატბოტის მიერ დასმულ სამ-სამ კითხვაზე გაცემულ პასუხებზე დაყრდნობით, მოთამაშე მიიღებს რისკის შემცველი პოტენციური საკითხების სიას. ამ გზით ის შეიტყობს, როდის ირღვევა დასაქმებულის შრომითი უფლებები.
ტელეგრამის აპლიკაციაზე თამაში ქართულ ენაზეა ხელმისაწვდომი.
პროგრამა, „EU4YOUTH: ახალგაზრდობის დასაქმება და მეწარმეობა“, თანადაფინანსებულია ევროკავშირისა და ლიეტუვის საგარეო საქმეთა სამინისტროს მიერ და ხორციელდება ლიეტუვის პროექტების მართვის ცენტრალური სააგენტოს (CPMA) მიერ. პროგრამა მიზნად ისახავს ინფორმაციის გავრცელებას შემდეგ საკითხებზე: კარიერის დაგეგმვის პროცესი, შრომითი ბაზარი, პერსონალური განვითარება და დასაქმების სათანადო სტანდარტები ახალგაზრდებისათვის.
ყველაზე წაკითხული
თემაზე
ჯოზეფ ბორელი საქართველოს პოლიტიკურ ლიდერებს უცხოური გავლენის შესახებ კანონპროექტის გაწვევისკენ მოუწოდებს
ევროკავშირი, გაერო და ავსტრია საქართველოში ჰაერის ხარისხის გასაუმჯობესებლად ახალ პროექტს იწყებენ
ევროკავშირი უცხოური გავლენის შესახებ კანონს „ევროკავშირის ნორმებთან და ღირებულებებთან შეუთავსებელს“ უწოდებს
არა, დრო რუსეთის მხარეს არაა: ბორელი ომისა და ევროკავშირის სანქციების შედეგად რუსეთის ეკონომიკის დასუსტებას აღწერს
ევროკავშირის პოლიტიკის და უსაფრთხოების კომიტეტის წევრები საქართველოს სამუშაო ვიზიტით ეწვივნენ
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
