ევროპის სოლიდარობის კორპუსი: მოხალისეობის შესაძლებლობა პოლონეთის ქალაქ ვროცლავში
პოლონური არასამთავრობო ორგანიზაცია, Fundacja Integracji Społecznej Prom, ქართველ, აზერბაიჯანელ, სომეხ და უკრაინელ მოხალისეებს პროექტში მონაწილეობის მისაღებად იწვევს. ინიციატივის მიზანი გაცვლითი პროგრამის საშუალებით კულტურული და სოციალური ბარიერების დაძლევაა.
მოხალისეები პოლონეთის ქალაქ ვროცლავში მდებარე ოფისში 2023 წლის 1 სექტემბრიდან 2024 წლის 29 თებერვლამდე პერიოდს გაატარებენ. მათ ორგანიზაციის სოციალური მედიისთვის მასალის შექმნა დაევალებათ, კერძოდ, გადაიღებენ ფოტოებსა თუ ვიდეოებს, გამოაქვეყნებენ პოსტებს და დაამზადებენ დიზაინერულ შაბლონებს Canva-ს პლატფორმაზე. ისინი, ამასთან, ფონდს ღონისძიებების ორგანიზებაშიც დაეხმარებიან.
მოხალისეები საერთო ბინაში განთავსდებიან, სადაც ორადგილიან ოთახებში იცხოვრებენ. ისინი ყოველთვიურად მიიღებენ 500 პოლონურ ზლოტს საკვებისთვის და 150 ევროს ოდენობის ჯიბის ფულს. ორგანიზაცია, ამასთან, ვროცლავამდე მგზავრობის საფასურსა და ადგილობრივი ტრანსპორტის ხარჯებსაც დაფარავს.
განაცხადების შეტანის ბოლო ვადაა 15 მაისი.
დამატებითი ინფორმაცია
ყველაზე წაკითხული
თემაზე
ევროკავშირის მარი სკლოდოვსკა-კიურის აქტივობების ფარგლებში პოსტდოქტორანტურის სტიპენდიებისთვის 417 მილიონი ევრო გამოიყო
EU4Culture ხელოვნებისა და კულტურის პროფესიონალებს საგრანტო განაცხადის წერაზე ონლაინკურსს სთავაზობს
გამოცხადდა საგრანტო კონკურსი დამწყები სოციალური საწარმოებისთვის საქართველოში
ევროკავშირის წარმომადგენლობა საქართველოში ახალგაზრდა კურსდამთავრებულებს დაფინანსებულ სტაჟირებას სთავაზობს
ICMPD მიგრაციის შესახებ საერთაშორისო საზაფხულო სკოლაში მონაწილეების მსურველებს საქართველოში იწვევს
ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,
