საქართველო ევროპული სამუსიკო სექტორის კონკურსში მიიღებს მონაწილეობას

ევროკავშირის პროგრამა, „შემოქმედებითი ევროპა“ ევროპის სამუსიკო სექტორში მოქმედ მრავალ ორგანიზაციას შორის კონკურენციის, ინოვაციის და მრავალფეროვნების მხარდასაჭერად ორი ორგანიზაციისგან შემდგარ კონსორციუმს ეძებს. საქმიანობის ნაწილი ამ ორგანიზაციების ფინანსურ მხარდაჭერას მოიაზრებს.

საკონკურსო განაცხადების შეტანა შეუძლიათ ორგანიზაციებს საქართველოდან, სომხეთიდან და უკრაინიდან (ეს ქვეყნები ასოცირებულები არიან ევროკავშირის „შემოქმედებითი ევროპის“ პროგრამის კულტურის მიმართულებასთან ან აწარმოებენ მოლაპარაკებებს ასოცირების მიზნით).

კონკურსში მონაწილეების მსურველებმა უნდა დასახონ ორი დამოუკიდებელი, მაგრამ ერთმანეთთან დაკავშირებული აქტივობა:

• ფინანსური მხარდაჭერის სქემა სამუსიკო სექტორში მოქმედ მესამე მხარეებზე დაფინანსების გადანაწილების მიზნით;
• პოტენციალის შემქმნელი საქმიანობების პროგრამა ცოცხალი მუსიკის სექტორის მხარდასაჭერად.

კონკურსის ბიუჯეტი 4.5 მილიონი ევროა.

განაცხადების შეტანა 12 იანვრამდეა შესაძლებელი.

დამატებითი ინფორმაცია

პრესრელიზი