სამოქალაქო საზოგადოება ქვემო ქართლის რეგიონში ვაქცინაციის პროცესს უწყობს ხელს

18 ნოემბერს მრავალპროფილურმა ანალიტიკურმა ცენტრმა, „საქართველოს რეფორმების ასოციაციამ“ (GRASS) ევროკავშირის მიერ დაფინანსებული პროექტის, „COVID-19: სამოქალაქო საზოგადოების მოქნილობა და მდგრადობა“, ფარგლებში ვაქცინაციის კამპანია დაიწყო.

საქართველოს რეფორმების ასოციაციამ ქვემო ქართლის რეგიონის დმანისისა და მარნეულის მუნიციპალიტეტების სომხურენოვან, აზერბაიჯანულენოვან და ქართულენოვან დასახლებებში მობილური ამცრელი პუნქტების ორგანიზებაში მიიღო მონაწილეობა. კამპანიის შედეგად 85 ადამიანი აიცრა.

საქართველოს რეფორმების ასოციაციამ კამპანიის პირველ ეტაპზე 10 ადგილობრივი ახალგაზრდა გადაამზადა და მიაწოდა მათ ინფორმაცია COVID-19-ის საწინააღმდეგო ვაქცინაციისა და ამ პროცესთან დაკავშირებული დეზინფორმაციის თაობაზე. მოხალისე ახალგაზრდებმა, კარდაკარ სიარულის მეთოდით, ადგილობრივ მოსახლეობას ვაქცინაციის შესახებ სწორი ინფორმაცია მიაწოდეს. 

„COVID-19: სამოქალაქო საზოგადოების მოქნილობა და მდგრადობა“ არის ევროკავშირის მიერ დაფინანსებული 48-თვიანი პროექტი, რომელიც სამოქალაქო საზოგადოებას აღმოსავლეთ პარტნიორობის ქვეყნებში COVID-19-ის პანდემიის ზეგავლენის შემცირებაში ეხმარება. 

დამატებითი ინფორმაცია

პრესრელიზი