ევროპის სოლიდარობის კორპუსი: მოხალისეობრივი საქმიანობის ერთწლიანი პროგრამა შვედეთში

პანევროპული ქსელი, Trans Europe Halles (TEH) ეძებს მოხალისეებს, რომლებიც 2022 წლის 1 თებერვლიდან ერთი წლის განმავლობაში  შვედეთის ქალაქ ლუნდში მის საერთაშორისო გუნდთან ითანამშრომლებენ. მოხალისეობრივ საქმიანობაში ჩართვა შეუძლიათ ევროკავშირის სოლიდარობის კორპუსის მონაწილეებს — მათ შორის, აღმოსავლეთ პარტნიორობის ყველა ქვეყნიდან. 

TEH 1983 წლიდან მოყოლებული გარდაქმნის ინდუსტრიულ და კომერციულ შენობებს სახელოვნებო, კულტურული თუ საზოგადოებრივი მიზნებისთვის გამოსაყენებლად. ქსელის ყოველდღიურ საქმიანობაში ჩასართავად, მოხალისე ციფრული მედიით, კომუნიკაციებით, ხელოვნებითა და კულტურით უნდა ინტერესდებოდეს.

მონაწილე იცხოვრებს ახლადგარემონტებულ საცხოვრებელ კორპუსში და უზრუნველყოფილი იქნება ადგილობრივი ავტობუსის სამგზავრო ბარათით, ველოსიპედით და ჯიბის ფულით.

განაცხადების მიღების ბოლო ვადაა 30 ნოემბერი.

დამატებითი ინფორმაცია

განცხადება