Հայաստանի Եվրոպացի երիտասարդ դեսպաններ

Ես լսել եմ երիտասարդ եվրոպական դեսպանների մասին, բայց վստահ չեմ, թե գիտեմ՝ ովքեր են նրանք և ինչ են անում:

«Երիտասարդ եվրոպական դեսպաններ» (ԵԵԴ) նախաձեռնությունն ապաքաղաքական, կամավորական, կենսունակ հաղորդակցական ցանց է, որը կապում և բարեկամության կամուրջներ է կառուցում Հայաստանի, Ադրբեջանի, Բելառուսի, Վրաստանի, Մոլդովայի, Ուկրաինայի և ԵՄ անդամ երկրների ու Միացյալ թագավորության երիտասարդների միջև։ Ցանցի նպատակն է` բարձրացնել իր արևելյան գործընկեր երկրների հետ ԵՄ համագործակցության մասին իրազեկությունը, ցուցադրել այդ համագործակցության շոշափելի արդյունքները, նպաստել տարբեր թեմաների շուրջ քաղաքական երկխոսությանը, բարձրացնել քաղաքացիական ակտիվության մակարդակը և միասին աշխատել հանուն ավելի լավ ապագայի:

«Երիտասարդ եվրոպական դեսպաններ» (YEAs) նախաձեռնությունը հիմնադրվել է 2016 թ.-ի հունիսին՝ որպես «EU NEIGHBOURS east» ծրագրի մաս, եւ մինչ օրս ներգրավել է ավելի քան 2600 երիտասարդի ավելի քան 30 տարբեր երկրներից:

Երիտասարդ եվրոպական դեսպաններն ուսանողներ, երիտասարդ մասնագետներ եւ համայնքային ակտիվիստներ են, ովքեր կամավորական հիմունքներով ժամանակ են հատկացնում ու մասնակցում տարբեր երկրներում եւ առցանց կարգով անցկացվող հարյուրավոր միջոցառումների: Սեղմիր այստեղ՝ նրանց ՊՐՈՖԻԼՆԵՐԸ տեսնելու համար:

«Երիտասարդ եվրոպական դեսպաններ» նախաձեռնությունն իր ցանցի անդամներին առաջարկում է կամավորության, կարիերայի զարգացման եւ երիտասարդական առաջնորդության հնարավորություններ: Նրանք իրենց ներդրումն են ունենում քաղաքացիական ակտիվության տարբեր ձեւերի մեջ, այդ թվում.

• Եվրաակումբներ. հայաստանյան երիտասարդ եվրոպական դեսպանների ջանքերով երկրում գործում են երեք Եվրաակումբներ՝ Օշականում, Վայքում եւ Գյումրիում: Եվրաակումբները շահառուներին առաջարկում են հմտությունների զարգացման դասընթացներ, տեղեկատվական սեմինարներ եւ երիտասարդների ակտիվությանն ուղղված տարատեսակ այլ միջոցառումներ:
• Դպրոցներ եւ համալսարաններ այցելություններ՝ դպրոցների աշակերտներին եւ համալսարանների ուսանողներին ԵՄ-Հայաստան համագործակցության մասին իրազեկելու եւ այդ համագործակցության արդյունքում ստեղծված հնարավորությունների մասին տեղեկացնելու նպատակով:
• Համագործակցություն երիտասարդական կազմակերպությունների հետ. Հայաստանում երիտասարդ եվրոպական դեսպանները համատեղ գործունեություն են ծավալում երիտասարդական կազմակերպությունների հետ կամ միանում են ավելի մեծ երիտասարդական միջոցառումներին: Նշված գործունեության ձեւերը կարող են ներառել շնորհանդեսներ, սեմինարներ, վերապատրաստման դասընթացներ, մասնակցություն հանրային տոնավաճառներին եւ այլն:
• Հայ երիտասարդների քաղաքացիական ակտիվությանն ուղղված տարատեսակ միջոցառումներ, ինչպիսիք են ֆիլմերի ցուցադրությունները, սեղանի խաղերը, բարեգործական ակցիաները, պանելային քննարկումները, հանրային վիկտորինաները եւ այլն:
• Մասնակցություն միջազգային միջոցառումներին, ներառյալ Եվրոպական երիտասարդական միջոցառմանը, Արեւելյան գործընկերության համաժողովներին,  ԵՄ ուսումնական այցերին ու սեմինարներին, որոնք ընդգրկում են ամբողջ տարածաշրջանն ու ԵՄ անդամ պետությունները:
• Շփումներ բարձրաստիճան պաշտոնյաների հետ. Հայաստանում երիտասարդ եվրոպական դեսպաններն ակտիվորեն մասնակցում են ԵՄ դեսպանների եւ այլ բարձրաստիճան պաշտոնյաների հետ հանդիպումներին ու կապերի հաստատման միջոցառումներին: Այս շփումները երիտասարդ եվրոպական դեսպաններին իրենց տեսակետներով կիսվելու, երիտասարդական նախաձեռնություններն ընդգծելու եւ կարեւոր թեմաները քննարկելու հնարավորություն են ընձեռում։

Ի՞նչ օգուտ կքաղեմ ես՝ լինելով երիտասարդ եվրոպական դեսպան:

Լինելով երիտասարդ եվրոպական դեսպան` դու հնարավորություն կստանաս ձեռք բերել նոր երիտասարդ համախոհներ եւ զարգացնել անձնային ու մասնագիտական ունակություններդ: Կկարողանաս ծանոթանալ քեզ հետ միեւնույն գաղափարներն ու հետաքրքրությունները կիսող այլ երիտասարդների հետ՝ քո եւ այլ երկրներից: Կշրջես ամբողջ երկրում եւ կշփվես այլ մարդկանց հետ՝ խոսելով Եվրոպական միության, քո երկրի հետ վերջինիս գործընկերության, ինչպես նաեւ դրա ընձեռած հնարավորությունների մասին: Այս ամենը կօգնի բարելավել քո թիմային աշխատանքի, նախագծերի պլանավորման եւ իրականացման, միջոցառումների կառավարման, ներկայացման եւ հանրային խոսքի, լեզուների եւ հաղորդակցության, ինչպես նաեւ բովանդակության ստեղծման ունակությունները, եթե թվարկելու լինենք դրանք: Նշվածները կարեւոր հմտություններ են, որոնք օգտակար կգտնվեն քո հետագա կարիերայում:

Դու նաեւ կօգտվես դինամիկ եւ ներառական աջակցության համակարգից, որը ներառում է.

• Ստեղծարար երիտասարդ կամավորների ներառական եւ դրական համայնք՝ գաղափարներով կիսվելու, հիշողություններ ստեղծելու եւ ընկերական հարաբերություններ հաստատելու համար,
• Նախաձեռնության մենթորներ՝ անձնական ուղղորդման համար,
• Նախաձեռնության համակարգողներ՝ վարչական եւ նյութատեխնիկական աջակցության համար, որոնք կօգնեն սեփական նախաձեռնությունների իրականացմանը.
• Մասնակցություն ԵԵԴ ակադեմիային՝ փորձառու մասնագետների մատուցմամբ հաղորդակցության, ռազմավարության, բովանդակության ստեղծման, լսարանի հետ աշխատանքի եւ այլնի վերաբերյալ տեղեկատվություն եւ ուսուցում ստանալու համար.
• Վեբկայք եւ սոցցանցային հարթակներ, որոնց միջոցով կարելի է կիսվել տեղեկատվությամբ, շփվել եւ փոխազդել լսարանի հետ:

Լինելով ակտիվ հարազատ համայնքում՝ հնարավորություն կստանաս քո ընկերներին, ընտանիքին և երկրին ցույց տալու, թե ինչպիսի միջավայրում ես ցանկանում ապրել: Կկարողանաս հզորացնել քեզ շրջապատող մարդկանց և ազդեցություն ունենալ նրանց կյանքում:

Եվ վերջում, որն ամենակարևորն է, երիտասարդ եվրոպական դեսպան լինելը քեզ հնարավորություն է ընձեռում ձեռք բերել նոր ընկերներ, կիսվել քո գիտելիքներով և փորձով կամ պարզապես բացահայտել ինքդ քեզ ու շրջապատող աշխարհը:

Արդյո՞ք ես կվարձատրվեմ իմ աշխատանքի համար՝ որպես երիտասարդ եվրոպական դեսպան:

Մասնակցությունը «Երիտասարդ եվրոպական դեսպաններ» նախաձեռնությանը կամավոր է, և որևէ վարձատրություն նախատեսված չէ:

Երիտասարդ եվրոպական դեսպանների գործունեության կազմակերպումը ֆինանսավորվում է «EU NEIGHBOURS east» ծրագրի կողմից: Այն ներառում է, օրինակ, ինտերակտիվ սեմինարների անցկացման համար այցելությունների կազմակերպումը դպրոցներ և բուհեր, բնապահպանական գործողությունները (օրինակ՝ ծառատունկ, տարածքի մաքրում և այլն), մասնակցությունը արտերկրյա միջազգային միջոցառումներին և այլն:

Ես կցանկանայի դառնալ երիտասարդ եվրոպական դեսպան: Ինչպե՞ս կարող եմ դիմել:

Դու կարող ես դիմել, եթե.

• ԵՄ անդամ պետություններից, Մեծ Բրիտանիայից կամ Արևելյան գործընկերության վեց երկրներից (Հայաստան, Ադրբեջան, Բելառուս, Վրաստան, Մոլդովայի Հանրապետություն, Ուկրաինա) որևէ մեկի քաղաքացի ես.
• 16-ից 26 տարեկան ես.
• վարժ տիրապետում ես անգլերեն լեզվին.
• հետաքրքրված ես ԵՄ-ով և վերջինիս ու քո երկրի միջև գործընկերությամբ և համագործակցությամբ.
• հետաքրքրված ես հանրային դիվանագիտությամբ և տեղեկատվության տարածման գործունեությամբ, պատրաստ ես կիսվելու քո գիտելիքներով, փորձով և տեղեկություններով.
• մոտիվացված ես հարազատ համայնքիդ և երկրիդ զարգացմանը նպաստ բերելու հարցում.
• հետաքրքրված ես կամավորական գործունեությամբ և պատրաստ ես էական ժամանակ հատկացնել՝ քաղաքացիական մասնակցության գործողություններում ներգրավվելու նպատակով:

Ընտրության բոլոր չափանիշներն և հաճախ տրվող հարցերին կարող ես ծանոթանալ այստեղ: Ամենամյա հայտամրցույթին կարող ես դիմել այստեղ: Երիտասարդ եվրոպական դեսպան դառնալու համար անհրաժեշտ է մինչեւ 2025 թվականի նոյեմբերի 3-ը լրացնել դիմումի ձեւը։

Ինչպե՞ս են ընտրվում երիտասարդ եվրոպական դեսպանները:

Երիտասարդ եվրոպական դեսպան դառնալու համար հարկավոր է անցնել որոշակի գործընթացով: Առաջին փուլը երիտասարդ եվրոպական դեսպան դառնալու վերաբերյալ սեփական հետաքրքրության արտահայտումն է՝ մասնակցելով ամենամյա հայտամրցույթին: Հայտերի ընդունման գործընթացի փակվելուց հետո անհրաժեշտ է կատարել ևս մի քանի քայլ, որոնք լրացուցիչ գործողություններ են պահանջում թեկնածուների կողմից: Ընտրված թեկնածուները կհրավիրվեն հարցազրույցի, որից հետո այդ հարցազրույցը հաջողությամբ հաղթահարած թեկնածուներին կառաջարկվի ներկայացնել հավելյալ տեղեկատվություն (օրինակ` տրամադրել պրոֆիլի լուսանկար, ստորագրել համաձայնության ձև, մշակել կայքի պրոֆիլի նկարագրություն և այլն) և, ի վերջո, նրանց պրոֆիլները կուղարկվեն հետագա հաստատման (պաշտոնական շահագրգիռ կողմերին): Հայտերի ընդունման ավարտից մինչև վերջնական արդյունքների ամփոփման գործընթացը տևում է մոտ ութ շաբաթ: Կարող է թվալ, թե այս ամենը ժամանակատար է, բայց ամեն ինչ ավելի հեշտ է, քան թվում է:

Քանի՞ երիտասարդ եվրոպական դեսպան կա Հայաստանում: Ի՞նչ բնույթի գործունեությամբ են նրանք զբաղված եղել այս ընթացքում:

Հայաստանում գործում են 70 երիտասարդ եվրոպական դեսպաններ: Սեղմիր այստեղ՝ նրանց հետ ծանոթանալու համար:

2021 թվականից ի վեր հայաստանցի դեսպանները կազմակերպել եւ իրականացրել են քաղաքացիական ակտիվության շուրջ 400 միջոցառումներ: Օրինակ՝ նրանք մասնակցել են «Մոդել Եվրոպական միություն Երեւան 2025» ինտերակտիվ սիմուլյացիոն խաղին, որը միավորել էր 60 երիտասարդների Հայաստանից և ԵՄ անդամ պետություններից: «Կոպեռնիկոս Բեռլին» ՀԿ-ի հետ համատեղ դեսպաններն անցկացրել են մշակութային սեմինար ու մասնակցել երիտասարդների մասնակցության և եվրոպական համագործակցության վերաբերյալ պանելային քննարկմանը: Միջոցառումը մեծացրել է երիտասարդ եվրոպական դեսպանների ճանաչելիությունը՝ որպես ԵՄ-ՀՀ հարաբերությունների ակտիվ մասնակիցներ, խթանել է միջմշակութային երկխոսությունը և ի ցույց դրել Հայաստանի մշակութային ժառանգությունը եվրոպական համատեքստում:

Գործունեության մյուս ձեւերից են.

• այցելություններ դպրոցներ եւ համալսարաններ՝ կիսվելու ԵՄ-ի եւ վերջինիս կողմից երիտասարդներին առաջարկվող հնարավորությունների մասին իրենց գիտելիքներով,
• բնապահպանական միջոցառումներ,
• միջազգային եւ հանրային դիվանագիտական միջոցառումներ,
• սոցիալական հիմնախնդիրների լուծմանն ուղղված միջոցառումներ։

Նրանց գործունեությանը կարող եք ծանոթանալ այստեղ:

Ես չեմ կարող միանալ երիտասարդ եվրոպական դեսպաններին, սակայն կցանկանայի մասնակցել նրանց միջոցառումներին. արդյո՞ք դա հնարավոր է:

ԱՅՈ: Նույնիսկ եթե դու երիտասարդ եվրոպական դեսպան չես, կարող ես մասնակցել նրանց կազմակերպած միջոցառումներին: Հետաքրքրե՞ց: Եթե այո, ապա ստորև ներկայացնում ենք այն տարբերակները, որոնց միջոցով կարող ես հետևել նորություններին.

• Հավանիր և հետևիր EU NEIGHBOURS east-ի պաշտոնական էջերին Facebook-ում և Instagram-ում: Մենք պարբերաբար տեղեկացնում ենք քո երկրում երիտասարդ եվրոպական դեսպանների հետ շփվելու նոր տարբերակների մասին:

• Միացիր «Երիտասարդ եվրոպական հարևաններ» ցանցին՝ Facebook-ում: Կապ պահիր երիտասարդ եվրոպական դեսպանների հետ և միացիր տարատեսակ մրցույթներին ու մարտահրավերներին: