Համընդգրկուն արժեքները սեփական աշխատանքում ներդնելու թեմայով առցանց դասընթաց ՔՀԿ-ների համար

«Եվրոպական փորձաքննության եւ հաղորդակցության գրասենյակ» (OEEC) շահույթ չհետապնդող կազմակերպությունը, որը զբաղվում է համայնքների եւ կազմակերպությունների համար ծրագրերի իրականացմամբ՝ ի նպաստ Բելառուսի քաղաքացիական հասարակության, հրավիրում է Արեւելյան գործընկերության երկրներում (Հայաստան, Ադրբեջան, Բելառուս, Վրաստան, Մոլդովա եւ Ուկրաինա) գործող ՔՀԿ-ների ներկայացուցիչներին՝ դիմելու «Համընդգրկուն արժեքների ներդրումը մեր աշխատանքում» թեմայով իր նոր առցանց դասընթացին։

Այն կանցկացվի 2023 թվականի նոյեմբերի 15-ից դեկտեմբերի 20-ն ընկած ժամանակահատածում։

Դասընթացը բաղկացած է հինգ տեսանյութերից եւ չորս առցանց սեմինարներից, որոնցից կարող եք սովորել.

• ինչպե՞ս կարող է համընդգրկուն արժեքների վրա հիմնված ձեր կառավարչական մոտեցումը բարելավել ձեր ՔՀԿ-ի ամբողջ աշխատանքը,
• ինչպիսի՞ հաջողված ներառական պրակտիկաներ կան տարբեր երկրներում եւ կազմակերպություններում,
• ինչպե՞ս իրականացնել գենդերային վերլուծություն ձեր ՔՀԿ-ում եւ ինտեգրել դրա արդյունքները ձեր աշխատանքի մեջ,
• Ի՞նչ է մարդու իրավունքների վրա հիմնված մոտեցումը (HRBA) եւ որո՞նք են առաջին պարզ քայլերը, որոնք պետք է ձեռնարկել, որպեսզի այն գործի,
• Ինչու՞ է էկոլոգիականությունը հիմնական արժեք դարձնելը կարեւոր, նույնիսկ եթե ձեր կազմակերպությունը մասնագիտացած չէ այս ոլորտում:

OEEC-ը ողջունում է ՔՀԿ-ներում աշխատողների կամ կամավորությամբ զբաղվողների (անկախ պաշտոնից կամ փորձից) եւ/կամ սեփական նախաձեռնությունը ղեկավարողների մասնակցությունը: Մեկ կազմակերպությունից/նախաձեռնությունից կարող են դիմել մինչեւ երկու հոգի։

Գրանցման վերջնաժամկետը նոյեմբերի 13-ն է։

Եվրոպական փորձաքննության եւ հաղորդակցության գրասենյակը (OEEC) ԵՄ կողմից ֆինանսավորվող «ԱլԳ Քաղաքացիական հասարակության հիմնադրամ» ծրագիրն իրականացնող կոնսորցիումի անդամ է, որն աշխատում է ԱլԳ վեց երկրների հետ՝ ամրապնդելու քաղաքացիական հասարակության կազմակերպությունների եւ ակտիվիստների դերն ու կարողությունները:

Դասընթացը կազմակերպվում է OEEC-ի կողմից՝ Դանիայի մշակութային ինստիտուտի (DCI) աջակցությամբ՝ «Նոր ժողովրդավարության հիմնադրամ» (NDF) ծրագրի շրջանակներում:

Իմացիր ավելին

Մամուլի հաղորդագրություն