Եվրոպական կրթական հիմնադրամը մեկնարկում է Green Skills Award 2022 մրցանակը

Եվրոպական կրթական հիմնադրամը (ETF) հայտարարում է առաջավոր փորձի օրինակների մրցույթ՝ նվիրված կանաչ անցման հզորացման գործում հմտությունների դերին:

«Կանաչ անցում. կրթություն, ուսուցում և հմտություններ» խորագիրը կրող մրցույթը նպատակ ունի հավաքել պատմություններ այն մասին, թե ինչպես է կրթությունը, ուսուցումը և հմտությունների զարգացումն աջակցում անցմանը դեպի կայուն, մաքուր, ածխածնային առումով չեզոք շրջանաձև տնտեսություններ և հասարակություններ:

Գլխավոր մրցանակը կհանձնվի Եվրոպական հանձնաժողովի կողմից կազմակերպված «Մասնագիտական հմտությունների եվրոպական շաբաթ 2022» միջոցառման շրջանակում: Լավագույն պատմությունները կհրապարակվեն ETF-ի հրատարակություններում և հաղորդագրություններում: ETF-ը նաև կարճամետրաժ ֆիլմեր կարտադրի ամենահետաքրքիր պատմությունների վերաբերյալ, որոնցից մի քանիսը կցուցադրվեն 2022 թվականի Մասնագիտական հմտությունների եվրոպական շաբաթվա շրջանակում, ինչպես նաև կտարածվեն ETF-ի՝ սոցիալական ցանցերում գործող հարթակներում:

Առցանց հայտի ձևը կարելի է լրացնել անգլերեն, ֆրանսերեն կամ ռուսերեն լեզուներով մինչև մարտի 15-ը:

Իմացիր ավելին

Մամուլի հաղորդագրություն