ევროპის განათლების ფონდი 2022 წლის მწვანე უნარების კონკურსს აცხადებს

ევროპის განათლების ფონდმა (EFT) მწვანე გარდაქმნის ხელშემწყობი კონკურსი გამოაცხადა. ინიციატივა ეკოლოგიური უნარების განვითარების საუკეთესო მაგალითებს გამოავლენს.

კონკურსი, „მწვანე გარდაქმნა: განათლება, ტრენინგი და უნარები“, მიზნად ისახავს ისტორიების შეკრებას იმის შესახებ, თუ როგორ უწყობს ხელს განათლება, ტრენინგი და უნარების განვითარება მდგრად, სუფთა და ნახშირბადნეიტრალურ ეკონომიკაზე გადასვლას.

კონკურსის გამარჯვებულს ჯილდო ევროკომისიის მიერ ორგანიზებულ  ევროპის 2022 წლის პროფესიული უნარების კვირეულზე გადაეცემა. საუკეთესო ისტორიები კი ევროპის განათლების ფონდის პუბლიკაციებსა და საკომუნიკაციო არხებზე გამოქვეყნდება. 

გარდა ამისა, ყველაზე საინტერესო ისტორიების საფუძველზე ევროპის განათლების ფონდი გადაიღებს მოკლემეტრაჟიან ფილმებს, რომლებსაც ევროპის პროფესიული უნარების 2022 წლის კვირეულზე აჩვენებენ. ფილმები, ამასთან, ევროპის განათლების ფონდის სოციალური მედიის არხებზეც გამოქვეყნდება.

ონლაინ განაცხადის ფორმის შევსება შესაძლებელია 15 მარტამდე ინგლისურ, ფრანგულ ან რუსულ ენაზე.

დამატებითი ინფორმაცია

პრესრელიზი