Եվրամիության ֆինանսական աջակցությամբ իրականացվող «Գործընկերություն հանուն Սյունիքի․ բարելավված համայնքային սոցիալական ծառայություններ» ծրագիրը փնտրում է ՀՀ Սյունիքի մարզում հիմնված/գրանցված կամ այնտեղ գործող մինչեւ 20 ՔՀԿ-ներ, քաղաքացիական հասարակության անհատ դերակատարներ, ակտիվ խմբեր, որոնք սոցիալական ծառայություններ են մատուցում եւ շահագրգռված ու մոտիվացված կլինեն զարգացնելու որակյալ սոցիալական ծառայությունների համակարգը:
Ընտրված ՔՀԿ-ները հնարավորություն կունենան ձեռք բերել կարեւոր հմտություններ՝ տեղական սոցիալական ծառայությունների կարիքների եւ ռեսուրսների արդյունավետ գնահատման, քաղաքականության երկխոսության մեջ ներգրավման, փաստահեն շահերի պաշտպանության գործողությունների իրականացման ուղղությամբ: «Հայկական Կարիտաս» ԲՀԿ-ն, կիսելով իր մեծ փորձը եւ աջակցելով շահագրգիռ ՔՀԿ-ներին պետական հավաստագրում ստանալու գործում, կկենտրոնանա կազմակերպությունների սոցիալական ծառայությունների մատուցման ոլորտում տեխնիկական կարողությունների զարգացման վրա։
Հայտերի ներկայացման վերջնաժամկետը ս․թ․ մայիսի 29-ն է։
«Գործընկերություն հանուն Սյունիքի․ բարելավված համայնքային ծառայություններ» ծրագիրը նպաստում է Սյունիքի մարզի բոլոր 7 համայնքներում սոցիալական պաշտպանության ավելի դիմակայուն համակարգի ձեւավորմանը։ Այն իրականացվում է Եվրոպական միության ֆինանսական աջակցությամբ եւ «Մարդը կարիքի մեջ» ՀԿ-ի կողմից՝ «ՎԻՆՆԵԹ Գորիս» զարգացման հիմնադրամի եւ «Հայկական Կարիտաս» ՀԿ-ի հետ համագործակցությամբ։
Իմացիր ավելին
Այլ տեղեկատվական արշավներ:
Հետաքրքրվա՞ծ եք վերջին նորություններով ու հնարավորություններով
Այս կայքը կառավարվում է 2020-2024թթ. համար Եվրամիության կողմից ֆինանսավորվող Արևելյան հարևանության տարածաշրջանային հաղորդակցության ծրագրի («ԵՄ արևելյան հարևաններ») կողմից: Ծրագիրը լրացնում և աջակցում է գործընկեր երկրներում ԵՄ պատվիրակությունների հաղորդակցական գործունեությանն ու աշխատում է Եվրոպական հանձնաժողովի Հարևանության քաղաքականության և ընդլայնման բանակցությունների գլխավոր տնօրինության ու ԵՄ արտաքին գործողությունների ծառայության ղեկավարության ներքո: Ծրագիրն իրականացնում է GOPA PACE-ի գլխավորած կոնսորցիումը:
Սույն կայքում առկա տեղեկատվությունը կարգավորվում է պատասխանատվության սահմանափակման և անձնական տվյալների պաշտպանության մասին դրույթներով:
© European Union,