Հայաստան. ԵՄ-ը 15 միլիոն եվրո բյուջետային ֆինանսավորում է հատկացնում փախստականներին
Եվրոպական միությունը 15 միլիոն եվրո բյուջետային ֆինանսավորում է հատկացնում Հայաստանին՝ նախորդ տարի Լեռնային Ղարաբաղից տեղահանված մարդկանց կարիքները հոգալու համար։
Փետրվարի 27-ին Եվրոպական հանձնաժողովի Հարեւանության եւ ընդլայնման բանակցությունների հարցերով գլխավոր տնօրինության Արեւելյան հարեւանության եւ ինստիտուցիոնալ զարգացման հարցերով տնօրեն Ադրիեն Կիրալին ՀՀ փոխվարչապետ Մհեր Գրիգորյանին է փոխանցել ֆինանսավորման համաձայնագիրը։
«ԵՄ-Հայաստան հարաբերությունների ամրապնդմանն ուղղված մեր համատեղ ջանքերի վերաբերյալ լավ քննարկումներ ունեցանք Երեւանում փոխվարչապետներ Գրիգորյանի եւ Խաչատրյանի հետ», — հանդիպումից հետո X-ի գրառման մեջ ասել է Ադրիեն Կիրալին։
Նույն օրը նա այցելել է ԹՈՒՄՈ ստեղծարար տեխնոլոգիաների կենտրոն։ «Երիտասարդ ուղեղներն այստեղ հնարավորություն ունեն զարգացնելու ծրագրավորման, գրաֆիկական դիզայնի եւ ռոբոտաշինության հմտություններ»,- գրել է Կիրալին X-ում:
Փետրվարի 28-ին Ադրիեն Կիրալին առաջին անգամ հանդիպումն է ունեցել երիտասարդ եվրոպական դեսպանների հետ: «Շնորհակալ եմ մեր ընդհանուր արժեքները կիսելու եւ հայաստանաբնակ երիտասարդներին ԵՄ-ի հետ ծանոթացնելու ձեր ոգեւորության եւ աջակցության համար»,- մեկնաբանել է նա X-ում։
Իմացիր ավելին
ԱՄԵՆԱԿԱՐԴԱՑԱԾ
ԱՌՆՉՎՈՂ ԹԵՄԱՆԵՐ
YEA10. Երիտասարդ եվրոպական դեսպանները տոնում են կապի, ոգեշնչման եւ փոփոխությունների տասնամյակը
ՎԶԵԲ-ը, ԵՄ-ն եւ ԱրմՍվիսԲանկն աջակցում են Հայաստանում փախստականներին եւ երիտասարդներին
Հայաստան. ԵՄ խորհուրդը նշանակել է Եվրոպական միության գործընկերության առաքելության ղեկավար
Եվրոպական միություն. «Մենք ակնկալում ենք շարունակել մեր սերտ համագործակցությունը Հայաստանի ապագա կառավարության եւ խորհրդարանի հետ»
ԵՄ բարձրաստիճան պաշտոնյաները շնորհավորել են Նիկոլ Փաշինյանին՝ խորհրդարանական ընտրություններում հաղթանակի առթիվ
Սույն կայքում առկա տեղեկատվությունը կարգավորվում է պատասխանատվության սահմանափակման և անձնական տվյալների պաշտպանության մասին դրույթներով:
© European Union,
