Եվրամիությունը ողջունում է Հայաստանի կողմից Միջազգային քրեական դատարանի Հռոմի կանոնադրության վավերացումը
Եվրոպական միությունը ողջունել է հոկտեմբերի 3-ին ՀՀ Ազգային ժողովի կողմից Միջազգային քրեական դատարանի Հռոմի կանոնադրության (Հռոմի ստատուտ) վավերացումը։ Որոշումն ուժի մեջ կմտնի ՀՀ նախագահի ստորագրությունից հետո։
Միջազգային քրեական դատարանն առաջին միջազգային մշտական դատական ատյանն է, որը ստեղծվել է միջազգային լայն հանրության համար մտահոգություն ներկայացնող ամենածանր հանցագործությունների մասով հետաքննություն կատարելու եւ հետապնդում իրականացնելու նպատակով:
2023 թվականի մարտի 17-ին Միջազգային քրեական դատարանը տվել է Ռուսաստանի Դաշնության նախագահ Վլադիմիր Պուտինին եւ ՌԴ նախագահի աշխատակազմի երեխաների իրավունքների հանձնակատար Մարիա Լվովա-Բելովային ձերբակալելու օրդեր՝ կապված Ուկրաինայում ստեղծված իրավիճակի համատեքստում երեխաների ապօրինի արտաքսմանն ու ապօրինի տեղափոխմանն առնչվող հանցագործությունների հետ։
Եվրոպական միությունը նաեւ կոչ է արել Հռոմի ստատուտին դեռեւս չմիացած բոլոր երկրներին միանալ դրան։ «Հռոմի ստատուտին յուրաքանչյուր պետության մասնակցությունը միջազգային հանրությանն ավելի է մոտեցնում համընդհանուր մասնակցությանը եւ ամրապնդում է անպատժելիության մթնոլորտը վերացնելու եւ հաշվետվության մշակույթ ձեւավորելու ընդհանուր վճռականությունը»,- ասված է Եվրոպական արտաքին գործողությունների ծառայության մամուլի հաղորդագրության մեջ:
Իմացիր ավելին
ԱՄԵՆԱԿԱՐԴԱՑԱԾ
ԱՌՆՉՎՈՂ ԹԵՄԱՆԵՐ
ՎԶԵԲ-ը եւ Կանաչ կլիմայի հիմնադրամը աջակցում են կանաչ ներդրումներին Հայաստանում
Գյումրիի եվրաակումբն իսպանական չուրոսի պատրաստմամբ մեկնարկել է «Եվրախոհանոց» միջոցառումների շարքը
Եվրոպական միությունը Հայաստանում մեկնարկում է հոգեկան առողջությանը նվիրված նոր նախաձեռնություն
Ո՛չ, ժամանակը Ռուսաստանի օգտին չի աշխատում. Բորելը կանխատեսում է Ռուսաստանի տնտեսության անկում պատերազմի եւ ԵՄ պատժամիջոցների պատճառով
ԵՄ-ն ազդարարել է Հայաստանի համար 270 միլիոն եվրո բյուջեով «Դիմակայունություն եւ աճ» նոր ծրագրի մասին
Սույն կայքում առկա տեղեկատվությունը կարգավորվում է պատասխանատվության սահմանափակման և անձնական տվյալների պաշտպանության մասին դրույթներով:
© European Union,
