«Էրազմուս+» ծրագրի 2022 թվականի մոտ 3,9 միլիարդ եվրո բյուջեն ավելի մեծ հնարավորություններ կապահովի երրորդ երկրներին
Նոյեմբերի 24-ին Եվրոպական հանձնաժողովը՝ 2022 թվականի տարեկան աշխատանքային ծրագրի ընդունումից հետո, մեկնարկեց «Էրազմուս+»-ի շրջանակներում 2022 թվականի առաջարկների ընդունումը:
Հաջորդ տարվա համար մոտ 3,9 միլիարդ եվրոյի ավելացված բյուջեով «Էրազմուս+»-ը կշարունակի արտասահմանում ուսման, պրակտիկայի, աշկերտության և անձնակազմի փոխանակման ու միջսահմանային համագործակցության ծրագրերի հնարավորություններ ընձեռել կրթության և ուսուցման, երիտասարդության և սպորտի տարբեր բնագավառներում: Հայտերի ընդունման ընդհանուր կոչից զատ, տարեկան աշխատանքային ծրագիրը ներառում է նաև առանձին մեկնարկելիք այլ գործողություններ, օրինակ՝ «Եվրոպական համալսարաններ» նախաձեռնությունը։
ԵՄ արտաքին գործիքներից ստացվող միջոցների շնորհիվ երրորդ երկրները հնարավորություն կունենան մասնակցելու նպատակային ծրագրերին և փոխանակումներին, հատկապես մասնագիտական կրթության և ուսուցման ու սպորտի ոլորտներում:
Կրթության, ուսուցման, երիտասարդության և սպորտի ոլորտներում գործող ցանկացած պետական կամ մասնավոր մարմին կարող է դիմել ֆինանսավորման՝ ծրագրին ասոցացված բոլոր երրորդ երկրներում գործող «Էրազմուս+» ազգային գործակալությունների ու Կրթության և մշակույթի եվրոպական գործադիր գործակալության օգնությամբ:
Սույն հայտերի ընդունման հրավերի մանրամասն պայմանները, ներառյալ առաջնահերթությունները, կարելի է գտնել «Էրազմուս+» ծրագրի 2022 թվականի ուղեցույցում:
Իմացիր ավելին
ԱՄԵՆԱԿԱՐԴԱՑԱԾ
ԱՌՆՉՎՈՂ ԹԵՄԱՆԵՐ
ԵՄ-ն Հայաստանին է նվիրում ականազերծման ժամանակակից մեքենա
Հայաստանում մեկնարկել է EU4Dialogue ծրագրի նոր փուլը
Երեւանում տեղի է ունեցել Եվրոպական միության եւ Հայաստանի Հանրապետության միջեւ Մարդու իրավունքների շուրջ երկխոսության հերթական նիստը
Մարթա Կոս. «Երբ գնում եք սուպերմարկետ, փնտրե՛ք հայկական ծիրան, սալոր կամ բալ»
Իռլանդիան խոստանում է աջակցել Ուկրաինային եւ թեկնածու երկրներին ԵՄ Խորհրդի նախագահությունը ստանձնելիս
Սույն կայքում առկա տեղեկատվությունը կարգավորվում է պատասխանատվության սահմանափակման և անձնական տվյալների պաշտպանության մասին դրույթներով:
© European Union,
