ԵՄ-ը հանցավորության կանխարգելման թեմայով համաժողով է  կազմակերպել Հայաստանում

Հայաստանում ԵՄ պատվիրակությունը փետրվարի 22-ին կազմակերպել է Հանցավորության կանխարգելման թեմայով համաժողով։

Միջոցառման նպատակն էր հանցավորության կանխարգելման պրակտիկայի և բարեփոխումների եվրոպական ու տարածաշրջանային միտումների և հետագայում Հայաստանում հանցավորության կանխարգելման մեխանիզմների սահուն ներդրման հնարավորությունների վերաբերյալ մասնագիտական քննարկում նախաձեռնել ՀՀ Ազգային Ժողովի պատգամավորների, քաղաքացիական հասարակության կազմակերպությունների, ՀՀ կառավարության, իրավապահ մարմինների, գիտական և պետական հաստատությունների և իրավապաշտպան կազմակերպությունների իրավաբանների հետ։

«Մեր նպատակն է արդարադատության ոլորտի շահագրգիռ կողմերի ուշադրությունը հրավիրել հանցավորության կանխարգելման մեխանիզմների արդյունավետության և օգուտների, ինչպես նաև ռազմավարություն ունենալու անհրաժեշտության վրա, սահմանել և՛ առաջնահերթություններ, և՛ կոնկրետ գործողությունների ծրագրեր՝ ուղղված հանցավորության կանխարգելմանը»,- համաժողովում իր ելույթի ժամանակ նշել է Հայաստանում ԵՄ պատվիրակության համագործակցության բաժնի ղեկավարի տեղակալ Սիլյա Կասմանը։

Միջոցառումը կազմակերպվել էր ԵՄ ֆինանսավորմամբ Եվրոպայի խորհրդի և ՀՀ արդարադատության նախարարության հետ համատեղ իրականացվող «Աջակցություն Հայաստանում արդարադատության ոլորտի բարեփոխումներին» բյուջետային աջակցության ծրագրի տեխնիկական աջակցության բաղադրիչի շրջանակում։

Իմացիր ավելին