ԵՄ-ն ուսումնասիրում է Խաղաղության եվրոպական հիմնադրամի շրջանակներում Հայաստանին ռազմական օգնության տրամադրման եւ վիզայի ազատականացման հնարավորությունը
Եվրոպական միությունը դիտարկում է Խաղաղության եվրոպական հիմնադրամի շրջանակներում Հայաստանին ռազմական օգնություն տրամադրելու, ինչպես նաեւ քաղաքացիների համար վիզային ռեժիմի ազատականացման հնարավորությունը։ Այդ մասին նոյեմբերի 13-ին հայտարարել է ԵՄ բարձր ներկայացուցիչ Ժոզեպ Բորելը՝ Բրյուսելում արտաքին քաղաքական գերատեսչությունների ղեկավարների մակարդակով ԵՄ խորհրդի նիստից հետո կայացած մամուլի ասուլիսում։
«Մենք պետք է շատ զգոն լինենք Հայաստանն ապակայունացնելու ցանկացած փորձի նկատմամբ՝ թե՛ ներքին, թե՛ արտաքին։ Եվ մեր ուղերձն Ադրբեջանին հստակ է. Հայաստանի ինքնիշխանության եւ տարածքային ամբողջականության ցանկացած խախտում անընդունելի կլինի եւ կհանգեցնի մեր հարաբերությունների համար ծանր հետեւանքների»,- ասել է Բորելը։
Նա նաեւ ասել է, որ ԵՄ-ը կոչ է անում վերսկսել Հայաստանի եւ Ադրբեջանի միջեւ բանակցությունները, որոնք մեկնարկել էին ԵՄ խորհրդի նախագահ Շառլ Միշելի հովանու ներքո: «Ցանկանում ենք տեսնել կնքված խաղաղության պայմանագիր եւ կշարունակենք մեր միջնորդական ջանքերը»,- ասել է Բորելը:
ԵՄ արտգործնախարարները նաեւ որոշել են Խորհրդի հաջորդ նիստին հրավիրել ՀՀ ԱԳ նախարար Արարատ Միրզոյանին:
Իմացիր ավելին
ԱՄԵՆԱԿԱՐԴԱՑԱԾ
ԱՌՆՉՎՈՂ ԹԵՄԱՆԵՐ
ՎԶԵԲ-ը, ԵՄ-ն եւ ԱրմՍվիսԲանկն աջակցում են Հայաստանում փախստականներին եւ երիտասարդներին
Հայաստան. ԵՄ խորհուրդը նշանակել է Եվրոպական միության գործընկերության առաքելության ղեկավար
Եվրոպական միություն. «Մենք ակնկալում ենք շարունակել մեր սերտ համագործակցությունը Հայաստանի ապագա կառավարության եւ խորհրդարանի հետ»
ԵՄ բարձրաստիճան պաշտոնյաները շնորհավորել են Նիկոլ Փաշինյանին՝ խորհրդարանական ընտրություններում հաղթանակի առթիվ
ԵՄ-ն մեկնարկում է Հայաստանի վիզաների ազատականացումը խթանող 2.2 մլն եվրոյի ծրագիրը
Սույն կայքում առկա տեղեկատվությունը կարգավորվում է պատասխանատվության սահմանափակման և անձնական տվյալների պաշտպանության մասին դրույթներով:
© European Union,
