ԵՄ-ն կոչ է անում Ադրբեջանին թույլատրել ազատ տեղաշարժը Լաչինի միջանցքով՝ լուրջ հումանիտար իրավիճակի կապակցությամբ խորը մտահոգության ֆոնին
«Եվրոպական միությունը խորապես մտահոգված է նախկին Լեռնային Ղարաբաղի ինքնավար մարզում տեղի բնակչության վրա ազդող լուրջ հումանիտար իրավիճակով։ Լաչինի միջանցքով տեղաշարժի խոչընդոտումը յոթ ամիս եւ ավել շարունակվում է՝ չնայած Արդարադատության միջազգային դատարանի այն վերականգնելու մասին վճիռների»,- ասված է ԵՄ Բարձր ներկայացուցիչ Ջոզեպ Բորելի անունից հուլիսի 27-ին տարածված հայտարարության մեջ։
«Բժշկական պարագաները եւ առաջին անհրաժեշտության ապրանքները բավարար չեն կամ արդեն սպառվել են, որը սարսափելի հետեւանքներ ունի տեղի բնակչության համար: Ադրբեջանի իշխանությունները պարտավոր են երաշխավորել Լաչինի միջանցքի երկայնքով անվտանգ ու ազատ տեղաշարժը եւ թույլ չտալ ճգնաժամի հետագա սրացում»,- նշված է հայտարարության մեջ։
«Մենք ի գիտություն ենք ընդունել Ադրբեջանի իշխանությունների կողմից արտահայտված՝ Աղդամ քաղաքով եւս ապրանքներ մատակարարելու պատրաստակամությունը։ Այն չպետք է դիտարկվի որպես այլընտրանք Լաչինի միջանցքի վերաբացմանը։ Միաժամանակ, ԵՄ-ը նշում է, որ տարածաշրջանում լրջորեն տուժել է ԿԽՄԿ-ի գործունեությունը եւ կոչ անում այն ամբողջապես վերականգնել, ներառյալ՝ բժշկական տարհանումները եւ մարդասիրական մատակարարումները: ԵՄ-ն ընդգծում է, որ ցանկացած կողմից չպետք է քաղաքականացվեն մարդասիրական մուտքի հնարավորությունները»։
Եվրոպական միությունը եւ, մասնավորապես, Եվրոպական խորհրդի նախագահ Շառլ Միշելը մեծապես ներգրավված են՝ աջակցելու Հայաստանի եւ Ադրբեջանի միջեւ հարաբերությունների կարգավորման գործընթացին, ինչպես նաեւ Բաքվի եւ Ստեփանակերտի/Խանքենդիի միջեւ երկխոսության խթանմանը: «Դա նաեւ պահանջում է բոլոր կողմերի բանակցությունների արդյունքների, ինչպես նաեւ ընդհանուր շահերի եւ փոխադարձ վստահության վրա հիմնված ապագայի նկատմամբ ճշմարիտ հանձնառություն», – եզրափակել է Բորելը։
Իմացիր ավելին
ԱՄԵՆԱԿԱՐԴԱՑԱԾ
ԱՌՆՉՎՈՂ ԹԵՄԱՆԵՐ
Գյումրիի եվրաակումբն իսպանական չուրոսի պատրաստմամբ մեկնարկել է «Եվրախոհանոց» միջոցառումների շարքը
Եվրոպական միությունը Հայաստանում մեկնարկում է հոգեկան առողջությանը նվիրված նոր նախաձեռնություն
Ո՛չ, ժամանակը Ռուսաստանի օգտին չի աշխատում. Բորելը կանխատեսում է Ռուսաստանի տնտեսության անկում պատերազմի եւ ԵՄ պատժամիջոցների պատճառով
ԵՄ-ն ազդարարել է Հայաստանի համար 270 միլիոն եվրո բյուջեով «Դիմակայունություն եւ աճ» նոր ծրագրի մասին
Հայաստանում ներկայացվել են հանրային կառավարման նոր սկզբունքները
Սույն կայքում առկա տեղեկատվությունը կարգավորվում է պատասխանատվության սահմանափակման և անձնական տվյալների պաշտպանության մասին դրույթներով:
© European Union,
