ԵՄ-ն եւ Հայաստանը նշում են Համապարփակ եւ ընդլայնված գործընկերության համաձայնագրի (ՀԸԳՀ) ստորագրման յոթնամյակը
ԵՄ-Հայաստան Համապարփակ եւ ընդլայնված գործընկերության համաձայնագրի (ՀԸԳՀ) ստորագրման յոթնամյակի կապակցությամբ 2024 թվականի նոյեմբերի 22-ին Հայաստանում Եվրոպական միության դեսպան Վասիլիս Մարագոսը եւ ՀՀ փոխվարչապետ Մհեր Գրիգորյանը Երեւանում համատեղ հյուրընկալել են բարձր մակարդակի միջոցառում։ Համաձայնագիրը ստորագրվել է 2017 թվականի նոյեմբերի 24-ին Բրյուսելում։
Երեւանում կայացած միջոցառմանը մասնակցում էին ՀՀ նախարարներ, փոխնախարարներ, եւ կառավարության բարձրաստիճան այլ պաշտոնյաներ, ԵՄ պատվիրակության եւ ԵՄ անդամ երկրների դիվանագիտական առաքելությունների ներկայացուցիչներ, ինչպես նաեւ ՀԸԳՀ քաղաքացիական հասարակության հարթակի ներկայացուցիչներ:
Դեսպան Մարագոսն ընդգծեց, որ ՀԸԳՀ-ն հանդիսանում է ԵՄ-Հայաստան հարաբերությունների հիմնաքարը։
«Համապարփակ եւ ընդլայնված գործընկերության համաձայնագիրն ընդգծում է ժողովրդավարության, մարդու իրավունքների եւ օրենքի գերակայության նկատմամբ մեր համատեղ հանձնառությունը: Այն ապահովում է ամուր շրջանակ քաղաքական, տնտեսական, առեւտրի եւ այլ ոլորտներում ԵՄ-Հայաստան խորացված համագործակցության համար՝ նպատակ ունենալով դրական փոխություններ ապահովել մարդկանց կյանքի համար: Տարիների ընթացքում ինտենսիվ աշխատել ենք համաձայնագրի ներուժը լիարժեք բացահայտելու եւ մեր երկկողմ հարաբերություններն ավելի բարձր մակարդակի հասցնելու ուղղությամբ», — նշել է Մարագոսը։
Նա հիշեցրեց, որ ԵՄ-ն այս տարի մեկնարկել է 270 միլիոն եվրո բյուջեով Հայաստանի դիմակայունության եւ աճի ծրագիրը, հաստատել Խաղաղության եվրոպական հիմնադրամի ներքո ՀՀ զինված ուժերին երբեւէ առաջին աջակցության փաթեթը, ինչպես նաեւ նախաձեռնել է վիզաների ազատականացման շուրջ երկխոսությունը։ Միեւնույն ժամանակ, ԵՄ-ն շարունակում է աջակցել Հայաստանի բարեփոխումներին, ենթակառուցվածքներին եւ տարածաշրջանային զարգացմանը՝ Հայաստանն ավելի մոտ դարձնելով եվրոպական չափանիշներին։
Հայաստանում ԵՄ պատվիրակությունը եւ ՀՀ կառավարությունը վերահաստատեցին իրենց համատեղ հանձնառությունը՝ շարունակելու ՀԸԳՀ-ի շրջանակներում արդյունավետ համագործակցությունը։
Իմացիր ավելին
ԱՄԵՆԱԿԱՐԴԱՑԱԾ
ԱՌՆՉՎՈՂ ԹԵՄԱՆԵՐ
EU4Innovation East. Արեւելյան գործընկերության ստարտափները՝ Փարիզում կայացած VivaTech 2026 ցուցահանդեսի կենտրոնում
ԵՄ-ն Հայաստանին տրամադրում է 34 միլիոն եվրոյի անհետաձգելի աջակցություն
ԵՄ-ն գործարկում է Կապակցվածության օրակարգի հարթակը՝ Սեւծովյան տարածաշրջանով եւ Հարավային Կովկասով Եվրոպայի եւ Կենտրոնական Ասիայի միջեւ կապերն ամրապնդելու նպատակով
YEA10. Երիտասարդ եվրոպական դեսպանները տոնում են կապի, ոգեշնչման եւ փոփոխությունների տասնամյակը
ՎԶԵԲ-ը, ԵՄ-ն եւ ԱրմՍվիսԲանկն աջակցում են Հայաստանում փախստականներին եւ երիտասարդներին
Սույն կայքում առկա տեղեկատվությունը կարգավորվում է պատասխանատվության սահմանափակման և անձնական տվյալների պաշտպանության մասին դրույթներով:
© European Union,
