ԵՄ արտգործնախարարները պայմանավորվել են ուժեղացնել Հայաստանում ԵՄ քաղաքացիական առաքելությունը

Դեկտեմբերի 11-ին ԵՄ արտաքին հարաբերությունների խորհուրդը համաձայնել է ուժեղացնել Հայաստանում Եվրոպական միության քաղաքացիական առաքելությունը (EUMA)՝ ավելացնելով դրա ներկայությունը տեղում՝ 138-ից հասցնելով 209-ի։

Հայտարարելով այս մասին՝ ԵՄ բարձր ներկայացուցիչ Ժոզեպ Բորելը ասել է, որ դա «առաքելության ծավալների կարեւոր մեծացում է, եւ սա Ադրբեջանի հետ Հայաստանի միջազգային սահմանի կայունությունը բարձրացնելու միջոց է»։

Նա հավելել է, որ ԵՄ-ն կարծում է, որ «տարածաշրջանում խաղաղության հասնելու պատմական հնարավորություն» կա, եւ պարտավորվել է շարունակել իր աջակցությունը այդ ջանքերին՝ աշխատելով եւ Հայաստանի, եւ Ադրբեջանի հետ:

Որոշմանը նախորդած օրը Բորելը ոչ պաշտոնական հանդիպում է ունեցել Հայաստանի արտգործնախարար Արարատ Միրզոյանի հետ։

«Ներկայումս աշխատում ենք Հայաստանի հետ մեր հարաբերությունների ամրապնդման ուղղությամբ»,- ասել է Բորելը։

«Ես տեսնում եմ, որ Հայաստանը հստակ տեսնում է մեզ հետ համագործակցության ընդլայնման առավելությունները, եւ մենք պատրաստ ենք դրական արձագանքել»,-  նշել է նա։

Իմացիր ավելին

Մամուլի հաղորդագրություն