ԵՄ. Աղդամ-Ասկերան երթուղու բացումը պետք է նպաստի նաեւ Լաչինի միջանցքի վերաբացմանը
Եվրոպական խորհուրդը սեպտեմբերի 13-ին հայտարարություն է տարածել, որում ասվում է, որ ԵՄ-ն ակնկալում է, որ սեպտեմբերի 12-ին Աղդամ-Ասկերան երթուղով ռուսական մարդասիրական բեռների անցումը «խթան կդառնա տեղի բնակչությանը կանոնավոր մարդասիրական մատակարարումների վերականգնման համար»:
Հայտարարության մեջ նշվում է, որ ԵՄ-ն «արձանագրել է» ռուսական մարդասիրական բեռների առաքումը եւ «հասկանում է այս զարգացման հետ կապված ողջ զգայունությունը»:
Եվրամիությունը միաժամանակ նշում է, որ իրավիճակը տեղում արագորեն վատանում է, եւ որ կարեւոր է ապահովել Ղարաբաղի հայերին առաջին անհրաժեշտության ապրանքների մատակարարումը։
«Աղդամ-Ասկերան երթուղու բացումն այսօր կարեւոր քայլ է, որը պետք է նպաստի նաեւ Լաչինի միջանցքի վերաբացմանը։ Այս ծանր իրավիճակը չափազանց երկար է տեւել. այժմ կարեւոր է գտնել կայուն եւ փոխընդունելի լուծումներ՝ ապահովելու մարդասիրական հասանելիությունը, նաեւ աշնան եւ ձմեռային սեզոններին ընդառաջ»,- ասվում է հայտարարության մեջ։
ԵՄ-ն նաեւ ակնկալում է, որ նոր զարգացումներին «առաջիկա օրերին եւ շաբաթներին կհետեւեն ավելի կոնկրետ քայլեր»։
Իմացիր ավելին
ԱՄԵՆԱԿԱՐԴԱՑԱԾ
ԱՌՆՉՎՈՂ ԹԵՄԱՆԵՐ
YEA10. Երիտասարդ եվրոպական դեսպանները տոնում են կապի, ոգեշնչման եւ փոփոխությունների տասնամյակը
ՎԶԵԲ-ը, ԵՄ-ն եւ ԱրմՍվիսԲանկն աջակցում են Հայաստանում փախստականներին եւ երիտասարդներին
Հայաստան. ԵՄ խորհուրդը նշանակել է Եվրոպական միության գործընկերության առաքելության ղեկավար
Եվրոպական միություն. «Մենք ակնկալում ենք շարունակել մեր սերտ համագործակցությունը Հայաստանի ապագա կառավարության եւ խորհրդարանի հետ»
ԵՄ բարձրաստիճան պաշտոնյաները շնորհավորել են Նիկոլ Փաշինյանին՝ խորհրդարանական ընտրություններում հաղթանակի առթիվ
Սույն կայքում առկա տեղեկատվությունը կարգավորվում է պատասխանատվության սահմանափակման և անձնական տվյալների պաշտպանության մասին դրույթներով:
© European Union,
