Ճանապարհ դեպի վերականգնում. Քաղաքացիական հասարակության ֆորումի համագումարը ԱլԳ գագաթնաժողովին ընդառաջ կկենտրոնանա բարեփոպումների և դիմակայանության հարցերի վրա

Արևելյան գործընկեր երկրներից և ԵՄ-ից ավելի քան 300 քաղաքացիական հասարակության կազմակերպություններ (ՔՀԿ) և որոշումներ կայացնողներ նոյեմբերի 30-ից դեկտեմբերի 2-ը առցանց կհանդիպեն Արևելյան գործընկերության Քաղաքացիական հասարակության ֆորումի (ԱլԳ ՔՀՖ) 13-րդ տարեկան համագումարի շրջանակներում, որն այս տարի կանցկացվի «Ճանապարհ դեպի վերականգնում. բարեփոխումների և դիմակայունության խթանում՝ հանուն ավելի ուժեղ Արևելյան գործընկերության» խորագրի ներքո։

Համագումարն Արևելյան գործընկերության 6-րդ գագաթնաժողովին ընդառաջ (2021թ. դեկտեմբերի 15-16) կքննարկի վերջին քայլերն ու մարտահրավերները, ինչպես նաև քաղաքականության նոր փաստաթղթերում ամրագրված հավակնություններն ու քաղաքականության նպատակները:

Բանախոսներն ԱլԳ գագաթնաժողովին ընդառաջ կանդրադառնան Արևելյան գործընկեր վեց երկրներում վերականգնման ճանապարհին և դիմակայունության ամրապնդման գործում քաղաքացիական հասարակության վճռորոշ դերին: Նրանք կուրվագծեն Արևելյան գործընկերության ապագայի վերաբերյալ իրենց տեսակետները և կընդգծեն ԱլԳ երկրներում առկա մարտահրավերներն ու անհրաժեշտ գործողություններ պահանջող ուղղությունները: Բացի այդ, հետադարձ հայացք գցելով այս դժվարին տարվան` նրանք կընդգծեն հետհամավարակային վերականգնման վրա կենտրոնանալու կարևորությունը:

Հիմնվելով քաղաքացիական հասարակության` ԱլԳ գագաթնաժողովին ընդառաջ հնչեցրած  ուղերձների վրա՝ ԱլԳ նոր օրակարգը լավագույնս կիրառելու վերաբերյալ բանավեճը կկենտրոնանա անվտանգության մարտահրավերների, հաշվետվողականության, ինչպես նաև քաղաքացիական հասարակության բովանդակալից ներգրավվածության վրա:

Իմացեք ավելին

ԱլԳ ՔՀՖ տարեկան համագումարի կայքէջ

ԱլԳ ՔՀՖ դիրքորոշման փաստաթուղթ։ Առանց ժողովրդավարության վերականգնում հնարավոր չէ. օրենքի գերակայություն և ժողովրդավարական հաշվետվողականություն՝ վերականգնման, դիմակայունության և բարեփոխումների հիմքում