Դեկտեմբերի 9-ին Եվրոպական միությունը և Միավորված ազգերի կազմակերպության արդյունաբերական զարգացման կազմակերպությունը (ՄԱԱԶԿ) ստորագրել են Մասնակցության մասին համաձայնագիր` Հայաստանում ՄԱԱԶԿ-ի հետ իրականացվելիք տեխնիկական աջակցության ծրագրի շրջանակում 4 մլն եվրո ներդրում կատարելու վերաբերյալ։
Ծրագիրը «Ստանդարտացման և չափագիտության ազգային մարմնի» ինստիտուցիոնալ հզորացման, միջազգային առաջարկություններին և լավագույն փորձին համապատասխան, իրավական, կարգավորող և կառավարման համակարգի բարելավման միջոցով կօժանդակի Հայաստանի չափագիտության համակարգի արդիականացմանը, միջազգային և տարածաշրջանային չափագիտության ոլորտում Հայաստանի մասնակցության ակտիվացմանը, ինչպես նաև «Չափագիտության ինստիտուտների եվրոպական ասոցիացիայի» (EURAMET) հետ փոխգործակցությանը։
Ծրագիրը կօգնի ստեղծել տրամաչափարկման չորս լաբորատորիա՝ չափման ստանդարտների, չափիչ գործիքների, չափումների և տրամաչափարկման կարողությունները զարգացնելու համար անհրաժեշտ սարքավորումների գնման, տեղադրման և գործարկման միջոցով:
Ըստ Հայաստանում ԵՄ պատվիրակության՝ այս ծրագրի իրականացմամբ Հայաստանը կկարողանա «խելամիտ օգտվել Համապարփակ և ընդլայնված գործընկերության համաձայնագրի (ՀԸԳՀ) առավելություններից, բարելավել Հայաստանում արտադրվող ապրանքների որակը և ապահովելով Հայաստանում կատարված փորձաքննությունների միջազգային ճանաչումը, ինչի արդյունքում կավելանա առևտուրը ԵՄ-ի և արտաքին այլ շուկաների հետ»:
Իմացիր ավելին
Այլ տեղեկատվական արշավներ:
Հետաքրքրվա՞ծ եք վերջին նորություններով ու հնարավորություններով
Այս կայքը կառավարվում է 2020-2024թթ. համար Եվրամիության կողմից ֆինանսավորվող Արևելյան հարևանության տարածաշրջանային հաղորդակցության ծրագրի («ԵՄ արևելյան հարևաններ») կողմից: Ծրագիրը լրացնում և աջակցում է գործընկեր երկրներում ԵՄ պատվիրակությունների հաղորդակցական գործունեությանն ու աշխատում է Եվրոպական հանձնաժողովի Հարևանության քաղաքականության և ընդլայնման բանակցությունների գլխավոր տնօրինության ու ԵՄ արտաքին գործողությունների ծառայության ղեկավարության ներքո: Ծրագիրն իրականացնում է GOPA PACE-ի գլխավորած կոնսորցիումը:
Սույն կայքում առկա տեղեկատվությունը կարգավորվում է պատասխանատվության սահմանափակման և անձնական տվյալների պաշտպանության մասին դրույթներով:
© European Union,