Перайсці на чыстую энергію: ЕС распачаў новы этап праграмы EU4Energy ў рамках Усходняга партнёрства
8 верасня, 2021

Перайсці на чыстую энергію: ЕС распачаў новы этап праграмы EU4Energy ў рамках Усходняга партнёрства


8 ліпеня Еўрапейская камісія запусціла другую фазу сваёй праграмы EU4Energy – «Спрыянне пераходу на чыстую энергію ў краінах Усходняга партнёрства: фаза II EU4Energy».

Праграма скіраваная на распрацоўку надзейнай нарматыўна-прававой базы ў галіне энергетыкі для пераходу рэгіёну на экалагічную энергію і лібералізацыі рынку.

Прадугледжваецца таксама паступовае ўкараненне лічбавых тэхналогій ва ўсе звязаныя з энергетыкай сегменты рынку і дапамога ва ўсталяванні справядлівых цэн на энергію.

Рэальную карысць спажыўцам прынясуць такія напрамкі праграмы, як развіццё асяроддзя для інвестыцый ва ўстойлівую энергетыку, інфраструктурныя праекты і пашырэнне рэгіянальнай рынкавай інтэграцыі і ўнутрырэгіянальнага гандлю.

Праграма таксама імкнецца залучыць грамадзян краін Усходняга партнёрства ў свае мерапрыемствы і працу над рэформамі. Для гэтага прадугледжаныя кансультацыі, круглыя сталы і серыя кампаній. Асаблівую ўвагу праграма надасць гендарнай роўнасці, у прыватнасці жанчынам у энергетычным сектары і іх лідарскаму патэнцыялу.

«Пашыраючы правы і магчымасці спажыўцоў і ствараючы спрыяльныя ўмовы для прыцягнення замежных інвестыцый, краіны Усходняга партнёрства дамагліся значных поспехаў у перайманні заканадаўства Еўрапейскага саюза і збліжэнні з ЕС сваіх энергетычных рынкаў, – сказаў д-р Міхаэль Руп, кіраўнік групы Еўрапейскага зялёнага курса і ўзаемадзеяння ва Усходнім суседстве Еўрапейскай камісіі. – Дасягненні EU4Energy пацвярджаюць прыхільнасць краін Усходняга партнёрства і іх грамадзян да еўрапейскіх каштоўнасцяў. Важна падкрэсліць: Еўрапейскі саюз можа дапамагчы сваім досведам, але ўрады і грамадзяне павінны самі ператварыць нашы рэкамендацыі ў справы».

EU4Energy фінансуецца ЕС, яе агульным бюджэт – 8,5 млн еўра. Другая фаза праграмы працягнецца да снежня 2024 года.

Даведацца больш:

Прэс-рэліз

EU4Energy – Спрыянне пераходу да чыстай энергетыкі – Энергетычная статыстыка і распрацоўка палітыкі

EU4Energy – Спрыянне пераходу да чыстай энергетыкі – Кіраванне

EU4Energy – Спрыянне пераходу да чыстай энергетыкі – Пашырэнне правоў і магчымасцяў спажыўцоў дзякуючы лепшаму рэгуляванню



Цікавіцеся апошнімі навінамі і магчымасцямі?

Гэты вэб-сайт адмініструецца фінансаванай праз ЕС Рэгіянальнай камунікацыйнай праграмай для Усходняга суседства ("УСХОДНЯЕ СУСЕДСТВА ЕС") на 2020-2024 гады. Праграма дапаўняе і падтрымлівае камунікацыйную працу Прадстаўніцтваў ЕС ва ўсходніх краінах-партнёрах і працуе пад кіраўніцтвам Генеральнага дырэктарата Еўрапейскай камісіі па палітыцы суседства і перамоваў аб пашырэнні і Службы знешніх дзеянняў ЕС. Праект рэалізуецца кансорцыумам пад кіраўніцтвам GOPA PACE.


Інфармацыя на гэтым сайце кіруецца Заявай аб абмежаванні адказнасці і Абаронай персанальных дадзеных. © European Union,