ЕС стварае анлайн-інструмент для супрадзеяння абыходу санкцыяў у дачыненні да Расіі ці Беларусі

Еўрапейская камісія стварыла анлайн-інструмент для выкрывальнікаў фактаў абыходу санкцыяў у дачыненні да Расіі ці Беларусі.

Еўрапейская камісія запрашае карыстацца гэтым інструментам усіх, каму вядома пра факты і асобаў, задзейнічаных у абыходзе санкцыяў ЕС у дачыненні да Расіі ці Беларусі. 

Выкрывальнік можа звязацца з Еўракамісіяй і даслаць ананімнае паведамленне па наступнай спасылцы.

23 лютага ЕС прыняў 13-ы пакет санкцыяў, які скіраваны на далейшае абмежаванне доступу Расіі да ваенных тэхналогіяў, такіх як беспілотныя лятальныя апараты, і на пашырэнне спісу кампаніяў і прыватных асобаў, якія бяруць удзел у ваенных дзеяннях Расіі. Дзякуючы новаму пакету, сукупная колькасць асобаў і кампаніяў у санкцыйным спісе перавысіла 2000.

Даведацца больш

Прэс-рэліз