ЕС асуджае нядаўнюю хвалю рэпрэсіяў у Беларусі напярэдадні так званых “выбараў” у лютым

Еўрапейскі саюз “самым рашучым чынам” асудзіў нядаўнюю хвалю рэпрэсіяў супраць былых палітвязняў, якія застаюцца ў Беларусі, а таксама супраць сваякоў палітвязняў. 

Паводле заявы Высокага прадстаўніка ЕС Жазэпа Барэля, рэйды і ператрусы, якія праводзяцца сілавымі структурамі рэжыму, закранулі больш за 100 чалавек, многія з якіх былі арыштаваныя.

“Рэжым Лукашэнкі працягвае выкарыстоўваць сваю вартую асуджэння тактыку запалохвання і рэпрэсіяў супраць сваіх крытыкаў і патэнцыйных палітычных апанентаў напярэдадні “выбараў”, прызначаных на люты”, – заявіў Жазэп Барэль. “Мы заклікаем улады Беларусі ўстрымлівацца ад любых далейшых рэпрэсіяў і гвалту, накіраваных супраць беларускага народу, і выконваць міжнародныя забавязанні Беларусі ў сферы правоў чалавека, у тым ліку шляхам неадкладнага і безумоўнага вызвалення ўсіх адвольна затрыманых і спынення злоўжывання судовым пераследам”.

ЕС у чарговы раз запэўніў у сваёй салідарнасці з народам Беларусі, які “заслугоўвае права быць прадстаўленым тымі, каго ён свабодна выбірае на празрыстых, свабодных і справядлівых выбарах”.

Даведацца больш

Прэс-рэліз