ЕБРР бестэрмінова прыпыняе доступ Расіі і Беларусі да фінансавання і экспертызы ЕБРР

Рада дырэктараў Еўрапейскага банка рэканструкцыі і развіцця (ЕБРР) пагадзілася з прапановай кіраўніцтва зрабіць крокі ў адказ на ўварванне Расіі ва Украіну.

Большасць прагаласавала за тое, каб папрасіць кіраўнікоў Банка ўхваліць рашучыя дзеянні як супраць Расіі, так і супраць Беларусі. У выпадку ухвалы кіраўнікамі доступ Расіі і Беларусі да фінансаў і экспертных ведаў ЕБРР будзе прыпынены на нявызначаны тэрмін. У кіраўнікоў будзе трыццаць дзён, каб прагаласаваць за гэтую рэзалюцыю.

ЕБРР у супрацоўніцтве са сваімі партнёрамі таксама разглядае магчымасць дадатковага пакету экстранага фінансавання для рэгіёна. Сюды можа ўвайсцi падтрымка ліквіднасці для прыватнага і дзяржаўнага сектараў, а таксама муніцыпалітэтаў, якія пацярпелі ад наплыву бежанцаў. Гэта стала б рэальным сімвалам падтрымкі Украіны і іншых краінаў, якія апынуліся ў крызіснай сітуацыі.

Даведацца больш

Прэс-рэліз