Дзень салідарнасці з Беларуссю: ЕС зноў заяўляе пра сваю непахісную падтрымку

З нагоды надыходзячага Дня салідарнасці з Беларуссю, як адзначаецца 25 сакавіка, ЕС зноў заявіў пра сваю непахісную падтрымку народу Беларусі “ў яго імкненні да свабоднай, дэмакратычнай, суверэннай і незалежнай Беларусі як часткі мірнай і квітнеючай Еўропы”.

Амбасадар Еўрапейскага саюзу ў Радзе Еўропы Весна Кос у сваёй заяве, зробленай 11 сакавіка ад імя Еўрапейскага саюза і яго дзяржаваў-чальцоў, выказала глыбокую занепакоенасць ЕС няспыннымі парушэннямі правоў чалавека ў Беларусі, у тым ліку адвольнымі арыштамі, катаваннямі і жорсткім абыходжаннем, адмовай у праве на належныя прававыя працэдуры і на справядлівае судовае разбіральніцтва. 

“Пад вартай несправядліва ўтрымліваюцца больш за 1250 палітычных зняволеных. Мы зноў заклікаем ўлады ў Беларусі спыніць рэпрэсіі ў краіне і неадкладна і безумоўна вызваліць і поўнасцю рэабілітаваць усіх палітычных зняволеных”, – пакрэсліла Весна Кос. “Мы таксама заклікаем улады ў Беларусі адмяніць смяротнае пакаранне і ў якасці першага кроку ўвесці мараторый на яго. ЕС рашуча асуджае няспынныя кампаніі пераследу і запалохвання, якія ажыццяўляе рэжым у Беларусі ў адносінах да ўсіх слаёў беларускага грамадства, у тым ліку праваабаронцаў, журналістаў, актывістаў незалежных прафсаюзаў, прадстаўнікоў грамадзянскай супольнасці і асобаў, якія належаць да нацыянальных меншасцяў”.

Яна таксама зазначыла, што Кантактная група па Беларусі, створаная пад эгідай Рады Еўропы, застаецца вельмі важнай пляцоўкай для падтрымкі дэмакратычных сілаў і грамадзянскай супольнасці Беларусі. 

Даведацца больш:

Прэс-рэліз