Беларусь: ЕС выступае супраць вынясення прысудаў прадстаўнікам незалежных СМІ

ЕС асудзіў рашэнні Мінскага абласнога суда, які 6 кастрычніка прызначыў медыяменеджару Андрэю Аляксандраву 14 гадоў пазбаўлення волі, яго жонцы Ірыне Злобінай – дзевяць гадоў, былому дырэктару агенцтва БелаПАН Дзмітрыю Наважылаву – 6 гадоў, а галоўнай рэдактарцы і дырэктарцы БелаПАНу Ірыне Леўшынай – 4 гады.

“Такія суворыя вердыкты з’яўляюцца яшчэ адным доказам таго, што рэжым Лукашэнкі актыўна пераследуе незалежныя СМІ, імкнуцца ліквідаваць незалежныя галасы ў краіне, знішчыць свабодныя СМІ і пазбавіць насельніцтва Беларусі доступу да бесстаронняй і незалежнай інфармацыі”, – гаворыцца ў заяве Еўрапейскай службы знешніх дзеянняў. “Жорсткія рэпрэсіі працягваюцца: людзей затрымліваюць і заключаюць у турму, дзе створаныя жахлівыя ўмовы, прысуджаюць працяглыя тэрміны турэмнага зняволення ў рамках палітычных працэсаў, якія праводзяцца за зачыненымі дзвярыма”.

ЕС яшчэ раз паўтарыў сваё патрабаванне неадкладнага і безумоўнага вызвалення ўсіх палітычных зняволеных і заклікаў Беларусь пакласці канец няспынным парушэнням правоў чалавека.

Даведацца больш:

Прэс-рэліз