Беларусь: ЕС і СААЗ пастаўляюць абсталяванне для даследавання геномаў узбуджальнікаў інфекцыйных захворванняў 

Пры падтрымцы Еўрапейскага cаюзу, Краінавы офіс Сусветнай арганізацыі аховы здароўя (СААЗ) у Беларусі закупіў і даставіў Рэспубліканскаму навукова-практычнаму цэнтру эпідэміялогіі і мікрабіялогіі абсталяванне для даследавання геномаў узбуджальнікаў інфекцыйных захворванняў. Абсталяванне было пастаўленае ў рамках ініцыятывы “Салідарнасць у імя здароўя” ў краінах Усходняга партнёрства, якая рэалізуецца СААЗ пры фінансавай падтрымцы ЕС.

Як адзначыла Алена Гасіч, загадчыца лабараторыі дыягностыкі ВІЧ і спадарожных інфекцыяў, дадзеныя, атрыманыя з дапамогай новага абсталявання, дапамогуць вырашыць як фундаментальныя, так і практычныя задачы ў мікрабіялогіі, вірусалогіі і эпідэміялогіі.

“У выпадку з’яўлення ў краіне новых нявывучаных патагенаў, дадзеныя секвенавання на прыладзе дазволяць атрымаць геномныя паслядоўнасці і выканаць іх расшыфроўку за кароткі час”, – дадала Спн. Гасіч. “Новае абсталяванне плануецца выкарыстоўваць для маніторынгу мутацыяў у геноме ВІЧ, вірусаў гепатыту В і С, якія прыводзяць да іх лекавай устойлівасці, а таксама распаўсюджвання генетычных варыянтаў каранавірусу”. 

Даведацца больш:

Прэс-рэліз