Амбасадары краінаў ЕС даюць зялёнае святло новаму пакету санкцыяў супраць Беларусі

На пасяджэнні амбасадараў краінаў Еўрапейскага саюзу ў Бруселі ў прынцыпе ўзгоднены новы пакет санкцыяў супраць Беларусі. 

“Новы пакет узмоцніць нашы абмежавальныя крокі ў адказ на ўварванне Расіі ва Украіну, у тым ліку супрацьдзеянне абыходжанню санкцыяў”, – гаворыцца ў паведамленні бельгійскага старшынства ў Радзе ЕС у X (былы Twitter). 

Гэта была апошняя сустрэча сталых прадстаўнікоў дзяржаваў-чальцоў ЕС у Бруселі, якая прайшла пад кіраўніцтвам бельгійскага старшынства ў Радзе ЕС. З 1 ліпеня ў Радзе ЕС цягам шасці месяцаў будзе старшыняваць Венгрыя.

Новы пакет санкцыяў супраць Беларусі можа быць канчаткова зацверджаны на пасяджэнні Еўрапейскай рады, якое адбудзецца 27-28 чэрвеня ў Бруселі. 

Даведацца больш

Допіс бельгійскае старшынства ў Радзе ЕС у X