2024-cü il ŞT Vətəndaş Cəmiyyəti Hakatonu üçün qeydiyyat başladı

Texnologiya sahəsi ilə maraqlanan şəxslər Şərq Tərəfdaşlığı Vətəndaş Cəmiyyəti Proqramı tərəfindən 26-28 yanvar 2024-cü il tarixində Moldovanın paytaxtı Kişinyovda təşkil olunacaq üçüncü Vətəndaş cəmiyyəti texnoloji hakatonu üçün qeydiyyatdan keçməyə dəvət edilirlər. Bu hakaton Azərbaycan, Belarus, Ermənistan, Gürcüstan, Moldova və Ukraynadan 50 vətəndaş cəmiyyəti fəalı, tərtibatçı və dizaynerin iştirakı üçün nəzərdə tutulub.

İki dəfə onlayn formatda təşkil olunan bu hakaton artıq bu dəfə canlı olaraq keçiriləcək və iştirakçılar öz həmkarları ilə üz-üzə görüşərək ideyalarını bölüşə biləcəklər.

Onlar Şərq Tərəfdaşlığı ölkələrində vətəndaşların səlahiyyətləndirilməsinə və dövlət xidmətlərinin təkmilləşdirilməsinə yönəlmiş yeni rəqəmsal texnoloji həllər üzərində işləyəcəklər. Bu həllər elektron iştirak, elektron şəffaflıq, açıq məlumatlar, vətəndaş səfərbərliyi, vətəndaşdan vətəndaşa xidmətlər, vətəndaş cəmiyyəti sahəsində şəffaflıq və hesabatlılıq və digər sahələri əhatə edir.

İdeya ilə müraciət edən 25 fəal, yaxud fərdi şəxs və ya üç iştirakçıdan ibarət qruplar 1-16 dekabr 2023-cü il tarixində keçiriləcək Texnoloji ideyatona dəvət olunacaqlar və onlar arasından 15 iştirakçı hakatonda iştirak etmək haqqı qazanacaq.

Hakatonda seçilmiş ən yaxşı ideyalar ŞT Vətəndaş Cəmiyyəti Texnoloji Mükafatı almaq şansı qazanacaq. 10 000-12 000 avro dəyərində olan bu mükafat qaliblərə öz ideyalarını daha da inkişaf etdirməyə və texnoloji həllərini həyata keçirməyə imkan verəcək.

Qeydiyyat üçün buraya toxunun.

Texnoloji həllər üzərində işləyəcək fərdi şəxslər və ya komandalar üçün son müraciət tarixi 13 noyabrdır. Komandalara dəstək olmaq istəyən tərtibatçılar və veb və ya qrafik dizaynerlər üçün son müraciət tarixi 18 dekabrdır.

Hakaton və müraciət prosesi haqqında daha ətraflı məlumat vermək məqsədilə təşkilatçılar oktyabrın 31-i saat 13:00-da (Mərkəzi Avropa vaxtı ilə) məlumatlandırma xarakteri daşıyan vebinar təşkil edəcəklər.

Ərizə ilə müraciət edənlər üçün təlimatlar da mövcuddur.

Daha çox öyrən

Mətbuat üçün açıqlama