Güclü qadın: güclü Azərbaycan – informasiya bülleteni

Qadınların hüquqlarını qorumaq və potensiallarını tam reallaşdırmaları üçün onların hüquq və imkanlarını artırmaq məqsədilə Avropa İttifaqı altmış ildən artıqdır yorulmadan çalışır. Gender bərabərliyi Aİ-nin Şərq Tərəfdaşlığı təşəbbüsünün ana xəttini təşkil edir. Gender bərabərliyi qadınların, eləcə də kişilərin fərdi həyatında çox mühüm əhəmiyyət kəsb edir və uzunmüddətli demokratik inkişaf üçün zəruridir. Azərbaycanla əməkdaşlıqda Aİ işgüzar qadınları gücləndirmək, keyfiyyətli təhsil üçün imkanlar yaratmaq və ədalətli cəmiyyəti təşviq etməklə real dəyişikliklərə təkan verir.

İnformasiya bülletenini İngilis, Azərbaycan və Rus dillərində oxuya bilərsiniz.

Görülən işlər bunlardır

• Gender fəaliyyət planları

     Dövlət siyasətləri və genderə əsaslanan statistikanın hazırlanmasında gender məsələlərinin nəzərə alınması

• Yeni və təkmilləşdirilmiş qanunvericilik

     Ayrıseçkilik və məişət zorakılığına qarşı qanunların qəbul və tətbiq edilməsi

• İş qadınlarının sayının artırılması

      Qadınlar tərəfindən idarə olunan müəssisələrə yerli banklar vasitəsilə kreditlərin verilməsi: orta və böyük ölçülü müəssisələrin Sahibkarlığa Kömək Milli Fondu vasitəsilə kreditlərdən yararlanmaq imkanı var; adı çəkilən fondun qadınlar tərəfindən idarə olunan müəssisələr üçün kvotasının olmamasına baxmayaraq, qadın müştəriləri əlverişli şərtlərlə cəlb etməyə səy göstərir

• Təhsil və karyera üçün yeni imkanlar

     Erasmus+ proqramı ilə Avropanın istənilən ölkəsində fərqli mübadilə proqramları

• Gənc lider qadınlar

     EU4Youth proqramı vasitəsilə qadınların fəal iştirakının artırılması

İş qadınları

Aİ Azərbaycandakı qadın sahibkarlara Avropa Yenidənqurma və İnkişaf Bankı (AYİB) tərəfindən icra edilən İş Qadınları proqramı vasitəsilə dəstək verir. Proqramın göstərdiyi dəstəyə qadınlar tərəfindən idarə edilən şirkətlərə biznes məsləhəti, təlim və mentorluq xidməti daxildir.

İştirak etmək imkanları ilə tanış olun։ www.ebrdwomeninbusiness.com

2019-cu ildə Azərbaycanda 90 qadın sahibkar Aİ-nin KOM-lara dəstək proqramları çərçivəsində ümumilikdə 575000 avro dəyərində kredit almış, 3000-ə yaxını isə məsləhət xidmətlərindən faydalanmışdır. Dəstəklənən şirkətlər arasında dövriyyə 18,8 milyon avroya qədər artıb və 1268 yeni iş yeri açılıb.

“Sadəcə arzularınızın arxasınca getməlisiniz”. EU4Business təşəbbüsünün məsləhət xidməti və ixracla bağlı dəstəyi ilə Afət Əhmədova özünün nəfis yemək istehsalı biznesini genişləndirib.

EU4Business təşəbbüsü çərçivəsində Azərbaycanlı qadınlar həmçinin bir sıra digər maliyyələşmə, biznes sahəsində məsləhət və təlim xidmətindən yararlana bilərlər. Daha çox öyrən http://www.eu4business.eu/azerbaijan

Beynəlxalq təhsil üçün yeni imkanlar

Erasmus+ proqramı vasitəsilə Aİ Azərbaycandakı gənc qadın və kişilərə Avropanın istənilən ölkəsində olduqca fərqli mübadilə proqramlarında iştirak etmək imkanı yaradır.

Erasmus+proqramının verdiyi imkanlara aşağıdakılar daxildir:

• Avropada təhsil almaq üçün təqaüd proqramları
• Tələbə mübadilə proqramları
• Gənclər üçün mübadilə proqramları
• Avropa Həmrəylik Korpusu
• Gənclər təşkilatlarında çalışanlar üçün imkanlar
• Gənclərin islahatlar üzrə dialoqa cəlb olunması

“Bu, sadəcə yeni bir ölkədə bir il yaşamaq deyil… Bu, böyük bir həyat təcrübəsidir.” İranə Alimova Erasmus proqramı vasitəsilə Portuqaliyada təhsil alıb və indi Bakıda beynəlxalq şirkətlərin birində çalışır.

• 2015-2019-cu illərdə Azərbaycandan təxminən 1600 nəfər tələbə və müəllim heyəti Aİ universitetlərində mübadilə proqramlarında iştirak edib.
• 3300-dən artıq Azərbaycanlı gənc və gənclər təşkilatlarının işçisi Erasmus+ proqramı çərçivəsində qısamüddətli mübadilə proqramlarında, yerdəyişmə, təlim və könüllülük layihələrində iştirak edib.

Erasmus+ Azərbaycanda: bütün suallarınız cavablandırılıb: https://www.euneighbours.eu/en/east/stay-informed/cards/erasmus-azerbaijan

Ədalətli cəmiyyət

2019-cu ildə Aİ və BMT-nin İnkişaf Proqramı yerli idarəetmə, liderlik və seçki müşahidəçiliyi kimi sahələrdə qadınların bilik və bacarıqlarını artırmaq məqsədilə qeyri-rəsmi təhsil platforması olan yeni Gender əsaslı bələdiyyə akademiyası layihəsinin icrasına başlayıb. Akademiyanın məqsədlərindən biri, bacarıqların artırılması və təhsil imkanlarının təqdim olunması vasitəsilə dövlət qurumlarında çalışmaq üçün namizədliyini irəli sürən qadınların sayının artırılmasına kömək etməkdir.

“Bu, qadınlar üçün və qadınlar tərəfindən hansı nailiyyətlərin qazanmaq barədə fikirlərimi dəyişdirdi”. Dilarə Əhmədova Gender əsaslı akademiyanın ilk məzunlarından biri olub.

Dilarənin uğur hekayəsi: Azərbaycanın ilk qadın futbol komandası məşqçisi necə regionun ilk qadın bələdiyyə üzvü seçildi.

EU4Gender Equality

Şərq Tərəfdaşlığı regionunda həyata keçirilən bu regional proqram Avropa İttifaqı tərəfindən maliyyələşdirilir və məqsədi, genderlərin vəzifələri barədə ictimai təsəvvürləri dəyişdirərək, gender sahəsində stereotipləri aradan qaldıraraq kişilərin uşaq baxımı və digər məişət işlərində iştirakını artıraraq qadınlar və kişilər üçün bərabər hüquq və imkanları gücləndirməkdir.

Azərbaycanda layihə gender stereotipləri və gender əsaslı zorakılığa qarşı mübarizə üçün bir sıra videolar hazırlayıb:

Daha yaxşı gələcək üçün qızların təhsil alması və səlahiyyətləndirilməsi!

Zorakılığın olmadığı layiqli həyat üçün qızların səlahiyyətləndirilməsi!

Sağlam və zorakılığın olmadığı münasibətlərin qurulması

Daha çox öyrən: EU 4 Gender Equality: Gender stereotipləri və gender əsaslı zorakılığa qarşı birgə mübarizə