Youth@Work: ტრენინგი მენტალური კეთილდღეობის ხელშეწყობის უნართა გაღრმავებაზე

SALTO აღმოსავლეთ ევროპა და კავკასია (SALTO რესურსცენტრი) და Erasmus+-ის პოლონეთის ეროვნული სააგენტო ახალგაზრდული მუშაკებისთვის მართავენ სატრენინგო კურსს მენტალური კეთილდღეობის ხელშეწყობის უნართა გაძლიერებაზე. 

ტრენინგი 2026 წლის 6-10 ივლისს პოლონეთის ქალაქ ოლშტინში გაიმართება. 

მონაწილეები გააზიარებენ საუკეთესო პრაქტიკებს, ისწავლიან ერთმანეთისგან, დაამყარებენ საქმიან კავშირებს და მიიღებენ ინსპირაციას სამომავლო ახალგაზრდული პროექტების განსახორციელებლად. 

ინიციატივა Youth@Work პარტნიორობის ნაწილია, რომელიც Erasmus+  პროგრამის ფარგლებში უჭერს მხარს ახალგაზრდათა დასაქმების, ლიდერობისა და კეთილდღეობის ხელშემწყობი უნარების განვითარებას. 

აღმოსავლეთ პარტნიორობის ქვეყნების წარმომადგენელ მონაწილეებს მონაწილეობის საფასურის გადახდა არ მოუწევთ. ორგანიზატორები ასევე დაფარავენ მოგზაურობის, საცხოვრებლისა და საკვების ხარჯებს.  

განაცხადების მიღების ბოლო ვადაა 2026 წლის 3 მაისი. 

დამატებითი ინფორმაცია

პრესრელიზი