#StandWithUkraine: გახდით მოხალისე უკრაინელი ლტოლვილების მხარდასაჭერად გერმანიის ქალაქ მაგდებურგში
მარტი 12, 2022

#StandWithUkraine: გახდით მოხალისე უკრაინელი ლტოლვილების მხარდასაჭერად გერმანიის ქალაქ მაგდებურგში


მაგდებურგში მდებარე ევროპის ახალგაზრდული საგანმანათლებლო ცენტრი სასწრაფოდ ეძებს 15 მოხალისეს ევროპის და აღმოსავლეთ სამეზობლოს ქვეყნებიდან, რომელთა რიცხვში საქართველოც შედის. შერჩეული პირები მოხალისეთა გუნდს 2022 წლის გაზაფხულზე შეუერთდებიან. 

მოხალისეები უნდა იყვნენ 18-30 წლის, უნდა იცოდნენ უკრაინული და/ან რუსული და მზად იყვნენ, ორი თვის განმავლობაში მხარი დაუჭირონ უკრაინელ ლტოლვილებს. ისინი ევროპის ახალგაზრდულ საგანმანათლებლო ცენტრსა და ქალაქ მაგდებურგში თავშეფარებულ ლტოლვილებს ყოველდღიური ცხოვრების ორგანიზებაში დაეხმარებიან. 

მოხალისეთა საცხოვრებლის, საკვების და სამგზავრო ხარჯებს პროექტის ორგანიზატორები აანაზღაურებენ.

ინიციატივა ევროკავშირის პროგრამის, ევროპის სოლიდარობის კორპუსის ფარგლებშია ორგანიზებული. პროგრამა  იმ ახალგაზრდებისთვისაა განკუთვნილი, რომელთაც სხვადასხვა სახის სოლიდარობის საქმიანობაში მონაწილეობა სურთ — იქნება ეს სოციალურად დაუცველი ადამიანების დახმარება თუ ჯანდაცვის და გარემოსდაცვითი ქმედებების ხელშეწყობა ევროპაში და მის ფარგლებს გარეთ.

განაცხადის შეტანის ბოლო ვადაა 2022 წლის 18 მარტი. 

გაიგეთ მეტი და შეიტანეთ განაცხადი

დახურვის თარიღი:

მარტი 18, 2022


გაინტერესებთ უკანასკნელი ცნობები და შესაძლებლობები?

ამ ვებსაიტს მართავს ევროკავშირის მიერ დაფინანსებული აღმოსავლეთ სამეზობლოს რეგიონული საკომუნიკაციო პროგრამა („EU NEIGHBOURS east“) 2020-2024. ეს პროგრამა ავსებს და მხარს უჭერს ევროკავშირის წარმომადგენლობების კომუნიკაციას აღმოსავლეთ პარტნიორობის ქვეყნებში; ის მოქმედებს სამეზობლო პოლიტიკის და გაფართოებაზე მოლაპარაკებების საკითხებში ევროკომისიის გენერალური დირექტორატის და ევროპული საგარეო ქმედებათა სამსახურის ხელმძღვანელობით. პროგრამას ახორციელებს კომპანიის GOPA PACE კონსორციუმი.


ინფორმაცია ამ ვებგვერდზე რეგულირდება პასუხისმგებლობის შეზღუდვის და პერსონალურ მონაცემთა დაცვის დებულებებით. © European Union,